इम्तियाज जलील यांना मारहाण करण्याचा प्रयत्न, काँग्रेस उमेदवाराच्या समर्थकांनी हल्ला केल्याचा आरोप VIDEO

हेही वाचा : परभणी : 36 वर्षीय इंजिनिअरला कार चालवताना ह्रदय विकाराचा झटका, गाडी रस्त्याच्या कडेला घेतली, पण व्हायचं तेच झालं

अधिकची माहिती अशी की, छत्रपती संभाजीनगरमधील बायजीपुरा–जिन्सी परिसरात इम्तियाज जलील यांच्या पदयात्रेचे आयोजन करण्यात आले होते. पदयात्रा संपल्यानंतर जात असताना जलील यांच्या कारवर हल्ला करण्यात आलाय. सुरुवातीला जलील यांना कार्यकर्त्यांनी काळे झेंडे दाखवण्यात आले होते. त्यानंतर पोलिसांकडून लाठीचार्ज करण्यात आला. मात्र, त्यानंतर कारवर हल्ला करण्यात आलाय. या गोंधळात जलील यांच्या गाडीतील मागील सीटवर बसलेल्या एका व्यक्तीच्या डोळ्याला दुखापत झाली आहे. तसेच एमआयएमचा एक कार्यकर्ता जखमी झाल्याची माहिती आहे. इतर कार्यकर्त्यांबाबत पोलीस चौकशी सुरू आहे.

कलीम कुरेशी हे काँग्रेसचे उमेदवार निवडणुकीच्या रिंगणात असून, या संपूर्ण घटनेमागे त्यांचाच हात असल्याचा आरोप खासदार इम्तियाज जलील यांच्या समर्थकांनी केला आहे. संभाजीनगरमध्ये एमआयएमने तब्बल 22 विद्यमान नगरसेवकांचे तिकीट कापत नव्या चेहऱ्यांना संधी दिली होती. त्या निर्णयामुळे पक्षात मोठ्या प्रमाणात नाराजी निर्माण झाली होती. त्याचे पडसाद बायजीपुरा भागात उमटल्याचे दिसून आले होते. आज झालेल्या गोंधळात एका व्यक्तीला दुखापत झाल्याचे समोर आले आहे. कलीम कुरेशी हे प्रभाग क्रमांक 9 मधून वंचित बहुजन आघाडीचे उमेदवार असून, प्रभाग क्रमांक 14 मधून ते काँग्रेसचे उमेदवार आहेत.

इतर महत्त्वाच्या बातम्या 

छत्रपती संभाजीनगर: सिगारेटचे चटके अन् गळा चिरून मित्राचाच निर्घृण खून! हत्येपूर्वी, मृताच्या आईला फोनवर धमकी...