Exit Poll: पाहा महाराष्ट्रातील 29 महापालिकांमध्ये कोणाची सत्ता?, एक्झिट पोलमधील चक्रावून टाकणारे आकडे

रुद्रा एक्झिट पोलने मतदारांच्या प्रतिसादावर आधारित हा अंदाज जारी केला असून, यात पक्षनिहाय जागा वाटप सादर करण्यात आले आहे. एकूण 29 महापालिकांमध्ये नेमक्या कोणाला किती जागा मिळतील याचा नेमका आकडा देण्यात आला आहे. या एक्झिट पोलनुसार, महायुतीला राज्यभरात यश मिळत असल्याचे दिसून येत आहे. तथापि, हा केवळ एक्झिट पोल असून, प्रत्यक्ष निकाल वेगळा येऊ शकतो.

हे ही वाचा>> Rudra Exit Poll: मुंबईत भाजप सर्वाधिक जागा मिळवणार, पाहा कोणत्या पक्षाला किती जागांवर मिळणार विजय

रुद्रा एक्झिट पोलनुसार भाजप राज्यातील सर्वाधिक जागा जिंकणारा पक्ष ठरू शकतो, ज्यात मुंबई, पुणे, नागपूर यांसारख्या मोठ्या शहरांमध्ये त्यांचा दबदबा दिसतो. शिवसेना शिंदे गटाने ठाणे, कल्याण-डोंबिवली यांसारख्या भागात मजबूत पकड दाखवली आहे. शिवसेना यूबीटी आणि काँग्रेसला मर्यादित यश मिळाले असले तरी, ते काही महापालिकांमध्ये आव्हान देताना दिसतात. राष्ट्रवादीच्या दोन्ही गटांना एकूणच कमी जागा मिळण्याची शक्यता आहे, तर इतर पक्ष आणि अपक्ष महत्त्वाची भूमिका बजावता येऊ शकते, विशेषतः वसई-विरार, मालेगाव यांसारख्या ठिकाणी.

हे ही वाचा>> Mumbai BMC Exit polls 2026 live: ठाकरे मुंबईची सत्ता गमावणार, एक्झिट पोलमध्ये भाजप फडकवणार मुंबईवर आपला झेंडा

महायुती राज्यातील बहुतेक महापालिकांमध्ये बहुमत मिळवण्याच्या स्थितीत आहे. तर अनेक महापालिकांमध्ये महाविकास आघाडीला विरोधी पक्षाची भूमिका बजावावी लागू शकते. मनसे आणि इतरांना काही जागा मिळण्याची शक्यता आहे. तर काही ठिकाणी ते किंगमेकरची भूमिका बजावू शकतात. एकूण जागांच्या बाबतीत, राज्यातील महापालिकांमध्ये महायुतीचं वर्चस्व दिसतं.

पाहा महाराष्ट्रातील 29 महानगरपालिकांचे Exit Poll

महाराष्ट्रातील 29 महानगरपालिकांचे Exit Poll पाहण्यासाठी >> View PDF  इथे क्लिक करा.

या आकडेवारीनुसार एकूण 29 पैकी 20 महापालिकांमध्ये महायुती आघाडीवर आहे, तर महाविकास आघाडी केवळ 4-5 ठिकाणी मजबूत दिसते. इतर पक्ष 4 ठिकाणी आघाडीवर आहेत.