हे ही वाचा : रुपाली चाकणकरांनी अनामिका कापली, त्या स्वत: तंत्रमंत्र विद्या करायच्या; सुषमा अंधारेंनी फोटो दाखवले

...म्हणून अनामिका कापली जाते

या पत्रकार परिषदेत अंधारेंनी रुपाली चाकणकरांचे अनामिकेला झालेल्या जखमेचे फोटो दाखवले. यावेळी त्यांना अनामिका कशासाठी कापली जाते याविषयी विचारण्यात आले. या प्रश्नाचे उत्तर देताना अंधारे म्हणाल्या की, 'माझा कोणत्याही कर्मकांडावर विश्वास नाही. पण रात्री उशिरापर्यंत मी तंत्र-मंत्राविषयी अभ्यास करत बसले, तेव्हा मला कळलं की अनामिका का कापली जाते. सूर्य म्हणजे यश, शुक्र म्हणजे आकर्षण. यश मिळवायचं असेल, काही गोष्टी आकर्षित करायच्या असतील तर अनामिका कापली जाते. ती कापताना विशिष्ट वेळ निवडली जाते. अमावस्या वगैरे.'

ती दुसरी व्यक्ती कोण?

यापुढे बोलताना अंधारे म्हणाल्या की, 'आता जे आम्हाला पीडितांकडून फोटो मिळाले त्या फोटोंच्या तारखांचे पंचांग काय हे आम्ही शोधले. तर त्यानुसार  2 सप्टेंबर 2024 रोजी सोमवती अमावस्या होती असं एक कॅलेंडर समोर येते. आता त्या पीडितांचं म्हणणं होतं की, दोन लोकांनी अनामिका कापली होती. आता ती दोन माणसं कोण? मला एक व्यक्ती कळली. मला दुसरी व्यक्ती अजून कळली नाही. जोपर्यंत माझ्या हातात पुरावे नसतात त्यावर मी बोलत नाही.'

हे ही वाचा : 'रुपाली चाकणकरांना अटक करुन नार्को टेस्ट करा' सुष्मा अंधारेंची मागणी; एकनाथ शिंदेंविषयी काय म्हणाल्या?

'ही जखम किचनमधील नाही'

दरम्यान, बोटाला जखम झाल्याचे चाकणकरांनी सांगितले होते. त्याविषयी विचारले असता अंधारे म्हणाल्या की, 'त्यांच्या इतर बोटांची नखं मोठी दिसताहेत. ज्याअर्थी एखादी व्यक्ती इतकी मोठी नखं मेंटेंन करते त्याअर्थी त्या काहीच घरकाम करणार नाहीत. निश्चितपणे ही जखम किचनमधील नाही. कारण किचनमधील जखम तीन महिने रहात नाही.'