'लांडग्यांच्या कळपातून बाहेर आला वाघ', एकाच फ्रेममध्ये बाळासाहेब ठाकरे अन्... शिवसेनेच्या दसरा मेळाव्याचा 'AI' ट्रेलर घालतोय धुमाकूळ

हे ही वाचा : आई गरबा बघायला गेली, घरात बापानेच लेकीवर केला अत्याचार, तीव्र वेदना होऊ लागल्याने... अकोल्यात बाप लेकीच्या नात्याला काळीमा

शिवसेनेचा हा दसरा मेळावा आझाद मैदानावर 2 ऑक्टोबर 2025 रोजी होणार असल्याचं पोस्टमध्ये नमूद केलं आहे, याचा ट्रेलर नुकताच सोशल मीडियावर धुमाकूळ घालताना दिसतो. हा ट्रेलर 'एआय'मध्ये बनवण्यात आल्याचं दिसून येतंय. त्या ट्रेलरला आवाजही देण्यात आला आहे.

नेमकं काय आहे ट्रेलरमध्ये? 

ट्रेलरमध्ये एक वाघ दिसतोय, त्या वाघाच्या डोळ्यात अंगार दिसत असून धगधगत्या आगीचं चित्र दिसून येतंय. त्यानंतर धनुष्यबाणाचं चित्र दिसतंय. या एकूण व्हिडिओत व्हाईसओव्हरचा वापर करण्यात आला आहे. "लांडग्यांच्या कळपातून बाहेर आला वाघ अन् जळून झाले खाक, अशी शिव सैनिकांची आग, खेचून आणलाय धनुष्य बाणाचा मान, उंच होती आणि उंच राहिल भगव्याची शान, ( त्याचक्षणी छत्रपती शिवाजी महाराज हे मध्यभागी दिसतात, तर एका बाजूला स्वर्गीय शिवसेना नेते बाळासाहेब ठाकरे आणि नेते आनंद दिघे दुसऱ्या कोपऱ्यात दिसतात.)

भगवे विचार आणि भगवंच रक्त...,'

पुढे याच ट्रेलरमध्ये भगव्या ध्वजावर एकनाथ शिंदेंचा फोटो दिसत असून व्हिडिओत आवाज ऐकू येतो 'हिंदुत्वासाठी लागते निधडी छाती,लाचारांचा दंगा नको शिवसैनिक नावाच्या वाघाशी', तेव्हा व्हिडिओच्या शेवटी एकनाथ शिंदेंचा फोटो दिसतो. तसेच त्यांच्या फोटोच्या एका बाजूला 'सोनं विचारांचं देऊ घेऊ मनसोक्त, भगवे विचार आणि भगवंच रक्त...,' असा आशय पोस्टमध्ये लिहिण्यात आला आहे.

हे ही वाचा : डोंबिवली: भंडाऱ्यात जेवला, हात धुवायला गेला आणि 13 वर्षाचा आयुष गमावून बसला जीव.. असं घडलं तरी काय?

दरम्यान, दुसरीकडे उद्धव बाळासाहेब ठाकरेंचा दसरा मेळावा हा दादरच्या शिवाजीपार्क मैदानावर घेण्यात येणार आहे. पण याच मेळाव्यावरून भाजपने आणि उद्धवसेनेत चांगलीच जुंपली. भाजप नेते केशव उपाध्ये यांनी दसरा मेळावा घेऊ नये, त्याऐवजी  मराठवाड्यातील पूरग्रस्तांची मदत करावी असा सल्ला दिला. यामुळे या पारंपारिक दसरा मेळाव्यालाही राजकीय रंग लावण्याचा प्रयत्न केला जात आहे का? असा प्रश्न उपस्थित होतोय.