MS Dhoni ला मोठा दणका, बेदरकारपणे गाडी चालवण्याप्रकरणी दंडात्मक कारवाई, गृहनिर्माण मंडळाकडूनही नोटीस

धोनीच्या अडचणी केवळ वाहतूक दंडापुरत्या मर्यादित नसून काही दिवसांपूर्वी त्याला झारखंड राज्य गृहनिर्माण मंडळाकडूनही नोटीस बजावण्यात आली आहे. रांचीमधील हरमू रोडवरील एका निवासी भूखंडाचा कथितपणे व्यावसायिक वापर केल्याचा ठपका त्याच्यावर ठेवण्यात आला आहे. हा भूखंड केवळ निवासी कारणांसाठी देण्यात आला होता, मात्र त्याचा वापर व्यावसायिक कामांसाठी होत असल्याचा संशय प्राधिकरणाने व्यक्त केला आहे. धोनी सध्या रिंग रोडवरील नवीन निवासस्थानी राहत असला, तरी या जुन्या मालमत्तेशी संबंधित कायदेशीर प्रक्रियेमुळे पुन्हा एकदा वादाच्या भोवर्‍यात अडकला आहे.

हेही वाचा : 12 वीत शिकणाऱ्या तरुणीचे प्रायव्हेट फोटो व्हायरल केले; शेवटी, झोपलेल्या अवस्थेत डोक्यात गोळी घालून तिला संपवलं!

मैदानाबाहेरील या घडामोडी सुरू असतानाच, धोनी आता 'आयपीएल 2026' साठी सज्ज झाला आहे. चेन्नई सुपर किंग्सच्या ताफ्यात तो सामील झाला असून त्याने नेटमध्ये सराव करण्यास सुरुवात केली आहे. 2025 चा हंगाम चेन्नईसाठी अत्यंत निराशाजनक ठरला होता, ज्यात 14 पैकी 10 सामने गमावून संघ गुणतालिकेत तळाला राहिला होता. त्यामुळे आगामी हंगामात पुनरागमन करण्याचे मोठे आव्हान संघासमोर आहे. धोनीला 'अनकॅप्ड प्लेयर' नियमांतर्गत 4 कोटी रुपयांमध्ये संघात कायम ठेवण्यात आले असून, त्याच्या अनुभवाचा फायदा घेण्यास फ्रँचायझी उत्सुक आहे.

वयाची 44 वर्षे पूर्ण केल्यानंतरही धोनीचा मैदानावरील प्रभाव कायम आहे. गेल्या हंगामात त्याने 14 सामन्यांत 135.17 च्या स्ट्राईक रेटने 196 धावा केल्या होत्या, ज्यात अखेरच्या षटकांत त्याने अनेकदा फटकेबाजी केली होती. जरी तो आता फलंदाजीसाठी वरच्या क्रमांकावर येत नसला, तरी त्याची रणनीती आणि ड्रेसिंग रूममधील त्याचे नेतृत्व चेन्नई सुपर किंग्ससाठी महत्त्वाचे मानले जाते. आगामी आयपीएलमध्ये चेन्नईचा संघ नव्या जोमाने मैदानात उतरण्यासाठी सज्ज झाला असून चाहत्यांच्या नजरा पुन्हा एकदा 'थाला'च्या कामगिरीवर खिळल्या आहेत.

इतर महत्त्वाच्या बातम्या 

महाराष्ट्रातील 'त्या' खुनाचा अडीच वर्षांनंतर उलगडा; बॉडी जंगलात पुरली, DNA चाचणीवरुन तपास, दोघांना अटक