पैसा-पाणीः अर्थसंकल्पानंतर 10 लाख कोटी रुपये का बुडले?
अर्थसंकल्पानंतर शेअर बाजारात मोठी घसरण झाली. ज्यामध्ये गुंतवणूकदारांचे तब्बल 10 लाख कोटी रुपये बुडाले. पण नेमकं कशामुळे झालं हेच आपण जाणून घेऊया पैसा-पाणी या विशेष सदरातून.
ADVERTISEMENT
अर्थसंकल्पानंतर STT म्हणजेच सिक्युरिटीज ट्रान्झॅक्शन टॅक्स (Securities Transaction Tax) पुन्हा चर्चेत आला आहे. अर्थमंत्र्यांनी F&O मध्ये STT वाढवला आहे. फ्युचर्समध्ये 150% ची वाढ झाली आहे म्हणजेच पूर्वी 0.02% कर होता, आता तो 0.05% पर्यंत वाढला आहे तर Options मध्ये तो 50% आहे. पूर्वी 0.10 टक्के कर होता आता तो 0.15 टक्के आहे. रोख बाजारातील दरांमध्ये कोणताही बदल झालेला नाही. या करवाढीचा परिणाम असा झाला की शेअर बाजार दोन टक्क्यांनी घसरला. त्यामुळे सुमारे दहा लाख कोटी रुपयांचे नुकसान झाले
पैसा-पाणीच्या या सदरातून समजून घेऊया की STT म्हणजे काय?
हा कर यूपीए सरकारने 2004 मध्ये आणला होता. शेअर मार्केटमध्ये खरेदी-विक्रीवर कर लादण्यात आला होता. हा एक प्रकारचा टोल टॅक्स आहे. हायवेवर आल्यास किंवा गेल्यास कर भरावा लागेल. तेव्हा सरकार म्हणालेलं की, हा कर द्या, आम्ही शेअर्सवर LTCG म्हणजेच लाँग टर्म कॅपिटल गेन टॅक्स लावणार नाही.
NDA सरकारने ते 2018 मध्ये बदलवून टाकलं. STT कायम ठेवला, LTCG पुन्हा शेअर नफ्यावर लादला. आता सरकारचा तर्क होता की, उर्वरित मालमत्तेवर LTGC आकारला जातो, मग शेअर्स वेगळे कसे ठेवायचे? 2024 मध्ये हा कर 12.5% करण्यात आला.
या दोन करांमुळे गुंतवणूकदार विशेषत: FII त्रस्त झाले होते. बाजारात मंदी आहे त्यामुळे STT आणि LTCG मध्ये दिलासा मिळेल अशी अपेक्षा होती पण अर्थमंत्र्यांनी त्यात वाढ केली. भारताच्या जीडीपीपेक्षा डेरिव्हेटिव्ह्जमध्ये दरवर्षी 500 पट अधिक व्यापार होत असल्याचे सरकारचे तर्क आहे. भारताचा जीडीपी 300 लाख कोटी रुपये आहे तर डेरिव्हेटिव्ह ट्रेडिंग 150 लाख कोटी रुपये आहे. हा सट्टा रोखण्यासाठी सरकारने हे पाऊल उचलले आहे.
हे वाचलं का?
