Personal Finance: महिन्याची SIP तारीख बदलल्याने खरंच मिळतो का जास्त पैसा?

सोशल मीडियावर अनेकदा 'महिन्याच्या सुरुवातीला SIP करा', 'पगारानंतर लगेच SIP करा', किंवा 'महिन्याच्या शेवटी SIP केल्यास जास्त युनिट्स मिळतात' असे विविध दावे केले जातात. पण प्रत्यक्षात या दाव्यांमध्ये कितपत तथ्य आहे, हे समजून घेणं महत्त्वाचं आहे.

SIP ची तारीख परतावा ठरवत नाही

म्युच्युअल फंडातील SIP मध्ये प्रत्येक हप्त्याच्या दिवशी त्या दिवसाच्या Net Asset Value (NAV) नुसार युनिट्स खरेदी होतात. बाजार वर असेल तर कमी युनिट्स मिळतात आणि बाजार खाली असेल तर जास्त युनिट्स मिळतात. यालाच रुपी कॉस्ट अॅव्हरेजिंग (Rupee Cost Averaging) म्हणतात.

यामुळे महिन्याच्या 1, 5, 10, 15 किंवा 25 तारखेला SIP असली तरी दीर्घकालीन म्हणजे 10 ते 20 वर्षांच्या कालावधीत परताव्यामध्ये मोठा फरक पडत नाही. बाजारातील चढ-उतार कालांतराने सरासरी होत जातात.