Konkan: गणपती विसर्जन केलं अन् मुंबईला एकटाच निघाला, रस्त्याच काळाने घातली झडप
Mumbai-Goa Highway Accident: गणपती विसर्जनानंतर कोकणातून मुंबईकडे जात असताना एका तरुणाचा अपघातात हकनाक बळी गेल्याची घटना मुंबई-गोवा महामार्गावर घडली आहे.
ADVERTISEMENT
Mumbai-Goa Highway Accident Death: गोकूळ कांबळे, नागोठणे, (रायगड): मुंबई-गोवा महामार्गावर (Mumbai-Goa Highway) अपघातांचं सत्र संपायचं नाव घेत नाही. रायगड (Raigad) जिल्ह्यात नागोठणे येथे झालेल्या भीषण अपघातात मुंबईतील (Mumbai) एका तरुणाचा दुर्दैवी मृत्यू (Accident Death) झाला आहे. महामार्गावर भरधाव वेगाने आलेल्या ट्रेलर चालकाने दारूच्या नशेत समोरच्या दुचाकीला जोरदार धडक दिली. ही धडक इतकी भीषण होती की या अपघातात तरुणाचा जागीच मृत्यू झाला. (mumbai goa highway accident unfortunate death of a youth from mumbai who was returning to konkan after ganpati immersion)
मिळालेल्या माहितीनुसार, दुचाकीवरील संदेश सदानंद घाणेकर (वय 32 वर्ष) या तरुणाचा मृत्यू झाला. हा तरुण मूळचा रत्नागिरी जिल्ह्यातील चिपळूण तालुक्यातील सावर्डे येथील आहे. गणेशोत्सवकरून तो पुन्हा मुंबईकडे दुचाकीवरून चालला होता. मुंबई-वडाळा गणेश नगर येथे तो राहत होता.
नेमकं काय घडलं?
संदेश हा नोकरीनिमित्त मुंबईत वास्तव्यास होता. कानसई गावच्या हद्दीत हॉटेल नवरत्नजवळ हा भीषण अपघात झाला. ट्रेलर चालक दारूच्या नशेत सुकेळीकडून नागोठणेकडे भरधाव वेगात निघाला होता. ज्यामुळे झालेल्या अपघातात संदेशला आपला हकनाक जीव गमवावा लागला.
याप्रकरणी मध्य प्रदेशातील ओमप्रकाश रामलाल पटेल (वय 36) या ट्रेलर चालकावरती गुन्हा दाखल करण्यात आला असून त्याला अटक करण्यात आली आहे. या अपघाताचे वृत्त कळताच नागोठणे पोलीस ठाण्याचे सहाय्यक पोलीस निरीक्षक श्री पोमण व पोलीस कर्मचाऱ्यांनी तात्काळ घटनास्थळी धाव घेतली.
हे वाचलं का?
