मुंबईची खबर: यंदाच्या सुट्ट्यांमध्ये कोकणात सहलीचा प्लॅन करताय? केवळ 7 तासांत कोकणात पोहोचाल; नवी रो-रो सेवा...

रो-पॅक्स सेवेला चांगला प्रतिसाद... 

या मार्गावर रो-पॅक्स सुरू करण्यातील सर्वात मोठी समस्या म्हणजे केंद्र आणि राज्यांच्या मंजुरीची आवश्यकता, जी आता दूर झाली आहे. नवीन जलमार्ग पर्याय उपलब्ध झाल्यामुळे पर्यटन आणि व्यवसायाला चालना मिळेल आणि कोकण प्रदेशासाठी नवीन रोजगार तसेच विकासाच्या संधी देखील उपलब्ध होतील. मुंबई-विजयदुर्ग मार्गाला सध्या चांगला प्रतिसाद मिळत असून लवकरच रत्नागिरी आणि मालवण दरम्यानही ही सेवा सुरू केली जाईल. रो-पॅक्समुळे प्रवाशांना स्वतःच्या वाहनांनी प्रवास करता येईल आणि कोकणात पोहचणं आता अधिक सोपं होणार आहे. 

एकत्र 650 प्रवासी 30 वाहनांची क्षमता 

मुंबईतून दर बुधवार आणि शनिवार सकाळी 8 वाजता भाऊचा धक्का येथून जहाज रवाना होईल आणि दुपारी 2 वाजता विजयदुर्ग येथे पोहोचेल. तसेच, गुरुवारी आणि दुपारी 12 वाजता विजयदुर्गहून जहाज रवाना होईल आणि संध्याकाळी 6 वाजता मुंबईत पोहोचेल. या रॉ-पेक्स सेवेत एकत्र 650 प्रवासी 30 वाहनांसह प्रवास करू शकतील आणि जहाजातून प्रवास करणाऱ्या प्रवाशाला 3 हजार रुपये ते 9 हजार रुपयांपर्यंत खर्च येईल. 

दरवर्षी हजारो पर्यटक कोकणातील समुद्रकिनारे आणि नैसर्गिक सौंदर्य पाहण्यासाठी कोकणात येतात. रस्ते किंवा रेल्वेने हा प्रवास 10 ते 12 तासांचा होतो, परंतु जलमार्गाने हे अंतर जवळपास 7 तासांत पूर्ण होण्याची अपेक्षा आहे. तसेच, ही रो-पॅक्स सेवा फक्त मुंबई आणि गंडवा दरम्यान उपलब्ध होती, मात्र आता ती विजयदुर्गपर्यंत वाढवण्यात आली आहे.