Gold Medal: नीरज चोप्रा पुन्हा चॅम्पियन! रचला सुवर्ण इतिहास
स्टार भालाफेकपटू नीरज चोप्राने इतिहास रचला. त्याने जागतिक अॅथलेटिक्स चॅम्पियनशिप 2023 मध्ये सुवर्णपदक जिंकलं आहे. नीरजचा पहिला थ्रो नक्कीच फाऊल झाला असता, पण दुसऱ्या थ्रोमध्ये त्याने 88.17 मीटर अंतरावर भाला फेकून सुवर्णपदक जिंकले.
ADVERTISEMENT
Neeraj Chopra World Athletics Championship : स्टार भालाफेकपटू नीरज चोप्राने इतिहास रचला. त्याने जागतिक अॅथलेटिक्स चॅम्पियनशिप 2023 मध्ये सुवर्णपदक जिंकलं आहे. नीरजचा पहिला थ्रो जरी फाऊल झाला असला तरी, पण दुसऱ्या थ्रोमध्ये त्याने 88.17 मीटर अंतरावर भाला फेकून सुवर्णपदक जिंकले. संपूर्ण सामन्यात इतर कोणत्याही खेळाडूला यापेक्षा पुढे भालाफेक करता आला नाही. (Neeraj Chopra Champion Again in World Athletics Championship)
बुडापेस्ट, हंगेरी येथे ही स्पर्धा झाली. पुरुषांच्या भालाफेकचा अंतिम सामना रविवारी (27 ऑगस्ट) झाला. या स्पर्धेत पाकिस्तानच्या अर्शद नदीमने दुसरे स्थान पटकावले. तिसऱ्या थ्रोमध्ये त्याने मिळवलेली प्रसिद्धी ही त्याची सर्वोत्तम थ्रो ठरली असती.
NCP: राष्ट्रवादी पक्ष कुणाचा? 3O सप्टेंबरला फैसला,अजित पवार गटाच्या नेत्याचा मोठा खुलासा
भारतला ट्रॅक अँड फील्डमध्ये पहिले सुवर्ण पदक
जागतिक अॅथलेटिक्स चॅम्पियनशिपच्या ट्रॅक आणि फील्ड स्पर्धेत भारताचे हे पहिले सुवर्णपदक आहे. तर, नीरज चोप्रा सुवर्ण पदक जिंकणारा पहिला भारतीय ठरला आहे. यापूर्वी अंजू बॉबी जॉर्जने 2003 मध्ये लांब उडीत कांस्यपदक जिंकले होते. तर नीरजने 2022 चॅम्पियनशिपमध्ये रौप्य पदक जिंकले.
नीरजने पॅरिस ऑलिम्पिक 2024 साठी देखील पात्रता मिळवली आहे. पॅरिस ऑलिम्पिक 26 जुलै ते 11 ऑगस्ट दरम्यान खेळली जाणार आहे. नीरज व्यतिरिक्त भारताच्या डीपी मनू आणि किशोर जेना यांनी भालाफेकमध्ये अंतिम पदकासाठी झुंज दिली. पण किशोर पाचव्या आणि मनु सहाव्या जागेवरच राहिले.
हे वाचलं का?
