डोंबिवलीच्या तरूणाची गगनभरारी, शून्यातून 'असं' केलं विश्व निर्माण!
डोंबिवलीतील एका तरुणाने अगदी कमी वयात स्वत:चा व्यवसाय सुरू करून थेट जागतिक बाजारपेठेत आपलं नाव केलं आहे. जाणून घ्या त्याच्याविषयी सविस्तर.
ADVERTISEMENT
मुंबई: मूळचा केरळातील पण पक्का डोंबिवलीकर असलेल्या एका तरूणाने ओडिशातील त्याच्या मित्राला सोबत घेऊन आज शून्यातून विश्व निर्माण केलं आहे. हाताशी काहीशे रुपये असलेल्या या तरूणाने अवघ्या कमी वयात शाश्वत व्यवसायात आपले पाय रोवले आहेत. डोंबिवली सारख्या छोट्या शहरातून आपल्या व्यवसायाला सुरुवात केलेल्या रंजीत बालकृष्णन आणि राकेश कुमार नायक यांनी आज थेट जागतिक दर्जाच्या स्पेनमधील कंपनीशी भागीदारी केली आहे.
आज, त्यांच्या दृढनिश्चयाला आणि कठोर परिश्रमाला फळ मिळाले आहे - या जोडीने एक शाश्वत आणि नाविन्यपूर्ण व्यवसाय स्थापित केला आहे ज्याला जागतिक मान्यता मिळाली आहे. त्यांनी आता स्पेनमधील एका जागतिक दर्जाच्या कंपनीशी थेट भागीदारी केली आहे. जो त्यांच्या उद्योजकीय प्रवासात एक उल्लेखनीय टप्पा आहे.
जागतिक कंपनीशी भागीदारी
ड्रायलाइट, ड्राय इलेक्ट्रोपॉलिशिंग आणि प्रगत सरफेस फिनिशिंग तंत्रज्ञानातील जागतिक अग्रणी असलेल्या स्पॅनिश कंपनीने डोंबिवलीतील 3R मासफिन इक्विपमेंट्स प्रायव्हेट लिमिटेडसोबत रणनीतिक भागीदारीची घोषणा केली आहे.
3R मासफिन ही भारतातील सरफेस फिनिशिंग मशिन्स आणि उपभोग्य वस्तूंची अग्रणी उत्पादक आणि पुरवठादार कंपनी आहे. या सहकार्यांतर्गत, 3R मासफिन भारतभरात डीलाइटच्या नाविन्यपूर्ण उत्पादन श्रेणीचे विशेष वितरक म्हणून काम करेल, ज्यामुळे भारतातील सर्वात वेगाने वाढणाऱ्या उत्पादन बाजारपेठेत डीलाइटची उपस्थिती मजबूत होईल.