'तो' होता Navy अधिकारी.. नुकतंच झालेलं लग्न, पत्नीसोबत आलेला हनिमूनला अन्...

विनय नरवाल हे 2 वर्षांपूर्वीच नौदलात भर्ती झाले होते. विनय हे पत्नीसोबत सोमवारी श्रीनगरला गेले होते. त्याचे कुटुंब कर्नालच्या सेक्टर 7 मध्ये राहते. 

पहलगाम शहराजवळील एका प्रसिद्ध पर्यटन स्थळाजवळ दहशतवाद्यांनी केलेल्या गोळीबारात दोन परदेशी नागरिकांसह एकूण 26 जणांचा मृत्यू झाला. 2019 मध्ये झालेल्या पुलवामा हल्ल्यानंतर काश्मीर खोऱ्यातील हा सर्वात भीषण हल्ला आहे.

हे ही वाचा>> Terror Attack: पतीच्या मृतदेहाशेजारी पत्नी अन्... 'हा' फोटो तुमचं काळीज टाकेल पिळवटून!

पत्नी आणि मुलांसमोर गोळीबार

दरम्यान, मंगळवारी दुपारी काश्मीरमधील पहलगाम येथे झालेल्या दहशतवादी हल्ल्यात हैदराबादच्या इंटेलिजेंस ब्युरो (आयबी) चे सेक्शन ऑफिसर मनीष रंजन हे त्यांच्या पत्नी आणि मुलांसमोर दहशतवादी हल्ल्यात ठार झाले. 

'आम्ही भेळपुरी खात होतो...तेव्हाच त्यांनी माझ्या नवऱ्याला मारली गोळी'

या घटनेबाबत एका प्रत्यक्षदर्शी महिलेने सांगितलं की, 'आम्ही फक्त भेळपुरी खात होतो.. आणि मग त्याने माझ्या नवऱ्याला गोळी मारली. दहशतवाद्याने माझ्या पतीला विचारलं की तुम्ही मुस्लिम आहात का? ते नाही म्हणताच त्यांनी त्याच्यावर गोळी झाडली.'

हे ही वाचा>> Kashmir Terror Attack: कुटुंबासह काश्मीर फिरायला गेले अन्... दहशतवादी हल्ल्यात डोंबिवलीतील तिघांचा मृत्यू

महाराष्ट्रातील 6 जणांचा मृत्यू

जम्मू-काश्मीरमधील पहलगाममध्ये झालेल्या दहशतवादी हल्ल्यात एकूण 26 जणांचा मृत्यू झाल्याची प्राथमिक माहिती समोर येत आहे. ज्यामध्ये सहा महाराष्ट्रातील पर्यटकांचा समावेश असून तीन जण डोंबिवलीतील आहे. संजय लेले, अतुल मोने आणि हेमंत जोशी अशी या तीन पर्यटकांची नावं आहेत. हे तिघेही एकमेकांचे नातेवाईक आहेत.

महाराष्ट्रातील मृतांची नावं

1. अतुल मोने, डोंबिवली
2. संजय लेले, डोंबिवली
3. हेमंत जोशी, डोंबिवली 
4. दिलीप डिसले, पनवेल
5. कौस्तुभ गनबोट, पुणे
6. संतोष जगदाळे, पुणे