Sharad Mohol : लग्नाच्या वाढदिवशीच हत्या, शरद मोहोळला कुणी घातल्या गोळ्या?
पुण्यात पुन्हा एकदा मुळशी पॅटर्न घडला. पुण्यातील नेहमी गजबलेल्या भागात शरद मोहोळची हत्या करण्यात आली. शुक्रवारी दुपारी (५ डिसेंबर) सुतारदरा भागात ही घटना घडली.
ADVERTISEMENT
Sharad Mohol Latest News : शुक्रवारची दुपार होती. साधारणतः दीड वाजेच्या सुमारास कोथरुडातील सुतारदरा परिसर गोळीबारचा आवाजाने हादरला. हा गोळीबार करण्यात आला होता कुख्यात गँगस्टर शरद मोहोळवर! दुचाकीवरून आलेल्या तीन जणांनी लग्नाच्या दिवशीच शरद मोहोळला संपवलं. नेमकं काय घडलं, तेच जाणून घ्या. (Sharad Mohol Shot dead in Kothrud)
पुण्यात पुन्हा एकदा मुळशी पॅटर्न घडला. पुण्यातील नेहमी गजबलेल्या भागात शरद मोहोळची हत्या करण्यात आली. शुक्रवारी दुपारी (५ डिसेंबर) सुतारदरा भागात ही घटना घडली. या घटनेनंतर कोथरूडमध्ये दहशतीचं वातावरण निर्माण झालं आहे. हल्ला करणारे फरार झाले आहेत आणि कुणी हत्या केलीये, याबद्दल अद्याप कोणतीही माहिती समोर आलेली नाही.
शरद मोहोळला घरीच गाठलं
कोथरुडमधील सुतारदरा भागात शरद मोहोळ याचं घर आहे. त्याच ठिकाणी जाऊन आरोपींनी हल्ला केला. दुपारी दीड वाजेच्या सुमारास शरद मोहोळ बाहेर असताना तीन जण दुचाकीवरून तिथे आले. क्षणार्धातच त्यांनी शरद मोहोळच्या दिशेने चार गोळ्या झाडल्या. यात एक गोळी शरद मोहोळला लागली आणि तो जखमी झाला.
हेही वाचा >> ‘शिंदे-फडणवीसांनी भुजबळांना पैसै देण्यास भाग पाडले’, फर्नांडिसांना का द्यावे लागले साडे आठ कोटी?
गोळ्या झाडल्यानंतर आरोपी घटनास्थळावरून फरार झाले. दरम्यान, या प्रकरणाची माहिती कळताच पोलिसांनी घटनास्थळी धाव घेतली. शरद मोहोळला तातडीने परिसरातीलच सह्याद्री रुग्णालयात दाखल करण्यात आले. डॉक्टरांनी उपचार सुरु केले होते. त्याच दरम्यान त्याचा मृत्यू झाला.
हे वाचलं का?
