महिलेचे 12 वर्षांपासून शेजाऱ्यासोबत शारीरिक संबंध, पतीने आधी समजवलं अन् नंतर...

ही घटना सिरसा जिल्ह्यातील मीरपूर कॉलनीमध्ये घडल्याची माहिती मिळाली आहे. आरोपीचे नाव माखन सिंग असून तो मूळचा सिरसा येथील हंजिरा गावचा रहिवासी आहे. माखनचा 2004 मध्ये आरतीशी विवाह झाला होता. त्यांना दोन मुले आहेत. माखन कष्टाची मजुरी करून घर चालवत होता.

नेमकं काय घडलं?

खरंतर, माखन सिंगची पत्नी आरती हिचे शेजारी राहणाऱ्या लाखी सिंगशी अवैध संबंध असल्याचा असा आरोप आहे. लाखीच्या पत्नीला हे कळले आणि तिला या सगळ्यामुळे धक्काच बसला. दरम्यान, 7 जून रोजी आरती लाखीला भेटायला गेली. त्यानंतर दुसऱ्या दिवशी लाखीची पत्नी पोलिसांसह माखनच्या घरी पोहोचली. लाखीच्या पत्नीने माखनला 'आरतीला समजावून सांगून तिला पटवून द्या', असं सांगितलं.

हातोड्याने केले वार

लाखीची पत्नी गेल्यानंतर, या प्रकरणावरून माखन आणि आरतीमध्ये मोठं भांडण झाले. दरम्यान, 9 जून रोजी पहाटे 5 वाजता माखन चहा पीत असताना त्याने आरतीला विचारले की लग्नाच्या इतक्या वर्षांनंतरही ती घर का उध्वस्त करत आहे? या मुद्द्यावरून दोघांमध्ये पुन्हा वाद झाला. रागाच्या भरात माखनने आरतीच्या डोक्यावर हातोड्याने वार केले. त्यामुळे तिचा मृत्यू झाला. घटनेच्या वेळी मुले त्यांच्या मावशीच्या घरी होती.