मसाज घेण्यासाठी थायलंडला जात असाल तर आता भरा नवा Tax,यातून अजिबात नाही सूट!
Thailand New Tax: थायलंड सरकारने परदेशी प्रवाशांवर 300 बाथ एवढा नवीन कर लादण्याचा निर्णय घेतला आहे.
ADVERTISEMENT
बँकॉक: अनेक भारतीय थायलंडला भेट देण्याचे स्वप्न पाहतात, कारण आता थायलंडने व्हिसा ऑन अराव्हएल अशी सोय केली आहे. तसंच मुंबई ते थायलंड हा विमान प्रवास देखील बऱ्यापैकी स्वस्त झाला आहे. परवडणारे विमान भाडे, सुंदर समुद्रकिनारे आणि उत्साही नाईट लाइफमुळे हे ठिकाण भारतीय प्रवाशांसाठी हॉट डेस्टिनेशन बनलं आहे. पण आता, येथे सुट्टी घालवणे थोडे महाग होऊ शकते. कारण थायलंड सरकार एक नवीन नियम आणत आहे. ज्यानुसार परदेशी प्रवाशांकडून 300 बाथ (Baht, थाई चलन) कर आकारला जाईल. हा भारतीय चलनात 820 रुपये एवढा आहे. ही रक्कम थाई भूमीवर पाऊल ठेवणाऱ्या प्रत्येक परदेशी व्यक्तीकडून वसूल केली जाईल.
हा Tax कधी होईल लागू?
ही योजना 2020 मध्ये तयार करण्यात आली होती, परंतु आता त्याची अंमलबजावणी करण्यासाठी गंभीर तयारी सुरू आहे. देशाचे नवे पर्यटन मंत्री अट्टाकोर्न सिरिलाथायकोर्न (Atthakorn Sirilatthayakorn) यांनी स्पष्टपणे सांगितले आहे की ते त्यांच्या कार्यकाळात हा कर लागू करतील. पूर्वी, हवाई आणि जमिनीवरील प्रवाशांसाठी हा कर वेगवेगळा होता. हवाई प्रवाशांकडून 300 बाथ आकारण्याची योजना होती आणि जमिनीवरून किंवा समुद्रमार्गे येणाऱ्या प्रवाशांकडून 150 बाथ आकारण्यात येत होते. तथापि, आता तो सर्वांसाठी सरसकट 300 बाहट निश्चित करण्यात आला आहे.
हे ही वाचा>> शेजाऱ्यासोबत बेडरूममध्ये शारीरिक संबंधात मश्गूल होती पत्नी, तेवढ्यात आला पती आणि...
सध्या, या कराची कोणतीही निश्चित तारीख नाही, परंतु नियम आणि तांत्रिक प्रक्रिया पूर्ण केल्यानंतर चार महिन्यांच्या आत तो लागू करण्याची सरकारची योजना आहे. अहवालांनुसार, हा कर 2026 च्या अखेरीस लागू केला जाऊ शकतो. याचा अर्थ असा की जर तुम्ही नजीकच्या भविष्यात थायलंडला जाण्याची योजना आखत असाल तर तुम्हाला तुमच्या बजेटमध्ये काही अतिरिक्त खर्च जोडावे लागू शकतात.
हे ही वाचा>> भांडण सोडवायला गेला अन्... पत्नीने पतीचं गुप्तांगच छाटलं, बहिणीची बाजू घेणं पडलं भलतंच महागात!
सरकारने संबंधित एजन्सींना या कराचा उद्देश जनतेला स्पष्ट करण्याचे निर्देश देखील दिले आहेत. थाई सरकार प्रवाशांना गोळा केलेल्या निधीच्या उद्देशाबद्दल स्पष्टपणे माहिती देऊ इच्छिते. हे पैसे पर्यटकांना भेट देणाऱ्यांसाठी विमा संरक्षण आणि पर्यटनाशी संबंधित पायाभूत सुविधा सुधारण्यासाठी वापरले जातील. याचा अर्थ प्रवासाची सुरक्षितता आणि सोय वाढवण्यासाठी हा कर आणला जात आहे.
हे वाचलं का?
