मुंबईत का कोसळताहेत मान्सूनपूर्व सरी?

अधिकृत मान्सून येण्यापूर्वी पडणाऱ्या या पावसामागे तापमानातील बदल आणि स्थानिक हवामान कारणीभूत आहे. उन्हाळ्यात जमीन प्रचंड तापल्यामुळे तेथील हवा वर जाते आणि समुद्रावरील बाष्पयुक्त हवा जमिनीच्या दिशेने वेगाने वाहू लागते. या प्रक्रियेतूनच नैऋत्य मोसमी वारे तयार होतात, जे साधारणपणे 11 जूनच्या सुमारास मुंबईत पोहोचतात. परंतु, मान्सूनच्या अधिकृत आगमनापूर्वी, गेल्या काही आठवड्यांत वाढलेल्या तापमानामुळे समुद्राजवळील दमट हवा अस्थिर होते. ही हवा वेगाने वर गेल्यावर तिचे ढगांत रूपांतर होऊन अचानक कडकडाटासह तीव्र स्वरूपाचा पाऊस पडतो, ज्याला मोसमीपूर्व पाऊस म्हटले जाते.

हे ही वाचा : Pune Metro : टिंडरवर भेटली, व्हाट्सअ‍ॅपवर चॅटिंग अन् तब्बल 7 कोटींचा चुना!

मान्सून लवकरच मुंबईत धडकणार

या पावसासाठी अरबी समुद्रावरून येणारे थंड वारे आणि जमिनीवरील उष्ण हवा, तसेच हवेतील धुलीकण आणि निर्माण होणारे कमी दाबाचे पट्टे हे स्थानिक घटकही कारणीभूत ठरतात. मे आणि जूनच्या सुरुवातीला पश्चिम किनारपट्टीवर अशा घडामोडी नेहमीच पाहायला मिळतात. भारतीय हवामानशास्त्र विभागाने (IMD) दिलेल्या माहितीनुसार, मान्सून केरळमध्ये दाखल होऊन पुढे सरकून, लवकरच तो मुंबईत धडकण्याची शक्यता आहे. समुद्राच्या कडेला आणि टेकड्यांच्या मधोमध वसलेल्या मुंबईसारख्या शहरात या मोसमीपूर्व पावसाने निसर्गाचे चक्र आणि हवामानातील वेगवान बदल पुन्हा एकदा अधोरेखित केले आहेत.

हे ही वाचा : मित्रासोबत मिळून आधी प्रेयसीवर बलात्कार, नंतर पेट्रोल टाकून जाळलं; कारण काय?

मुंबईकर पावसाळ्यासाठी सज्ज

आज सकाळच्या संततधारेनंतर पावसाने काहीशी उसंत घेतली असून, सोशल मीडियावर मुंबईकरांनी पावसाने धुतलेले रस्ते आणि आकाशात उमललेल्या सप्तरंगी इंद्रधनुष्यांचे फोटो शेअर करायला सुरुवात केली आहे. हवामानात वारंवार होणाऱ्या बदलांमुळे आणि काही अंशी विलंबाने का होईना, पण निसर्गाच्या नियमानुसार मुख्य मान्सून आता मुंबईच्या अगदी उंबरठ्यावर येऊन ठेपल्याचेच हे संकेत आहेत. त्यामुळे मुंबईकर आता आगामी पावसाळ्याच्या स्वागतासाठी सज्ज झाले आहेत.