सांगली : बिबट्याचा युवकावर हल्ला, पण रॉट व्हिलर अन् बेल्जियम शेफर्डने प्राण वाचवले, बिबट्याने झाडावर पळ काढला
Sangli News : या वेळी भरत साळुंखे यांच्यासोबत रॉट व्हिलर आणि बेल्जियम शेफर्ड जातीची दोन पाळीव कुत्री होती. मालकावर हल्ला होत असल्याचे लक्षात येताच या दोन्ही कुत्र्यांनी जोरदार प्रतिकार केला. कुत्र्यांच्या आक्रमकतेमुळे बिबट्या गोंधळून गेला. त्याने एका पिल्लासह उसाच्या शेतातून पलायन केले.
ADVERTISEMENT
बातम्या हायलाइट
सांगली : बिबट्याचा युवकावर हल्ला, पण रॉट व्हिलर अन् बेल्जियम शेफर्डने प्राण वाचवले,
बिबट्याने पिल्लांसह झाडावर पळ काढला
Sangli News : देवराष्ट्रे (ता. कडेगाव, जि. सांगली) परिसरात शनिवारी दुपारी थरारक प्रसंग घडला. शेतात ऊसतोड करत असताना एका युवकावर अचानक बिबट्याने हल्ला करण्याचा प्रयत्न केला. मात्र युवकाची प्रसंगावधानता आणि त्याच्यासोबत असलेल्या दोन पाळीव कुत्र्यांच्या धाडसामुळे त्याचे प्राण वाचले. या घटनेनंतर बिबट्याने झाडावर पळ काढला, तर त्याची पिल्ले झाडावर अडकून पडली.
अधिकची माहिती अशी की, देवराष्ट्रे येथील भरत साळुंखे हे दुपारी शेतात काम करत होते. ऊसाच्या शेतालगत असलेल्या झाडीत काही हालचाल जाणवली. शेतात वन्यप्राण्यांची हालचाल असल्याच्या संशयाने त्यांनी सावधपणे जवळ जाऊन पाहिले. त्याचवेळी दोन पिल्लांसह असलेल्या बिबट्याने अचानक त्यांच्यावर झडप घातली. क्षणात परिस्थिती ओळखत भरत यांनी चपळाईने बाजूला होऊन हल्ला टाळला.
या वेळी भरत साळुंखे यांच्यासोबत रॉट व्हिलर आणि बेल्जियम शेफर्ड जातीची दोन पाळीव कुत्री होती. मालकावर हल्ला होत असल्याचे लक्षात येताच या दोन्ही कुत्र्यांनी जोरदार प्रतिकार केला. कुत्र्यांच्या आक्रमकतेमुळे बिबट्या गोंधळून गेला. त्याने एका पिल्लासह उसाच्या शेतातून पलायन केले. त्यामुळे मोठा अनर्थ टळला.
हे वाचलं का?
