कणकवली : ईश्वरी राणे आणि सोहमची तरंदळे धरणात उडी मारुन आत्महत्या; WhatsApp चॅटनंतर टोकाचा निर्णय
Sindhudurg Crime : सोहम हा कणकवली महाविद्यालयात वाणिज्य तृतीय वर्षाचा विद्यार्थी होता, तर ईश्वरी कनेडी महाविद्यालयात बारावी शिक्षण घेत होती. दोघेही एकाच क्षेत्रात राहिल्याने आणि एकमेकांना बराच काळ ओळखत असल्याची माहिती समोर आली आहे.
ADVERTISEMENT
बातम्या हायलाइट
कणकवली : ईश्वरी राणे आणि सोहमची तरंदळे धरणात उडी मारुन आत्महत्या
WhatsApp चॅटनंतर टोकाचा निर्णय
Sindhudurg Crime News : कणकवली तालुक्यातील तरंदळे धरण परिसरात घडलेल्या दुर्दैवी घटनेने संपूर्ण परिसर हादरला आहे. मंगळवारी उशिरा रात्री सोहम कृष्णा चिंदरकर (वय 22, रा. कलमठ-कुंभारवाडी) आणि ईश्वरी दीपक राणे (18, रा. कणकवली-बांधकरवाडी) या दोन तरुण विद्यार्थ्यांनी आत्महत्या केल्याचे समोर आले. रात्री उशिरा आढळलेले दोघांचे मृतदेह पाहून स्थानिकांमध्ये आणि विद्यार्थ्यांमध्ये मोठी खळबळ उडाली आहे. बुधवारी सायंकाळपर्यंत या दुहेरी आत्महत्येचे कारण स्पष्ट झालेले नव्हते.
सोहम हा कणकवली महाविद्यालयात वाणिज्य तृतीय वर्षाचा विद्यार्थी होता, तर ईश्वरी कनेडी महाविद्यालयात बारावी शिक्षण घेत होती. दोघेही एकाच क्षेत्रात राहिल्याने आणि एकमेकांना बराच काळ ओळखत असल्याची माहिती समोर आली आहे.
मंगळवारी रात्री सोहम घरी परतला नसल्याने कुटुंबीय आणि मित्रांनी त्याचा शोध सुरु केला. अनेक ठिकाणी चौकशी करूनही त्याचा ठावठिकाणा लागत नव्हता. दुसरीकडे, ईश्वरीदेखील सायंकाळपासून घरी परतली नव्हती. दोघेही घराबाहेर असल्याचे लक्षात येताच त्यांच्या नातेवाईकांत चिंता निर्माण झाली. शोधमोहीम सुरु असतानाच तरंदळे धरण परिसरात दोन मृतदेह आढळल्याची माहिती मिळाली.
हेही वाचा : बीड : सातबारा दुरुस्तीसाठी तहसीलदारांची बनावट सही केली, नायब तहसीलदार आशा वाघ यांच्यावर गुन्हा दाखल
हे वाचलं का?
