Crime: डोंबिवलीत जावयाने सासूचं घरातून केलं अपहरण, रुमवर नेलं अन्…
Mother-in-Law Kidnap: पती बरोबरच्या सततच्या भांडणाला कंटाळून माहेरी आलेल्या पुन्हा सासरी पाठविण्यासाठी सासूने नकार दिल्याने जावयाने सासूचंच अपहरण केल्याची धक्कादायक घटना डोंबिवलीमध्ये घडली आहे.
ADVERTISEMENT
Dombivli Crime: डोंबिवली: पतीबरोबरच्या (Husband) सततच्या भांडणाला कंटाळून पत्नी (wife) तळोजा (Taloja) येथून आपल्या कल्याणमधील माहेरी असलेल्या घरी रागात निघून आली. यावेळी तिने आपल्या मुलालाही सोबत आणलं होतं. पण यानंतर महिलेच्या पतीने जे कृत्य केलं त्याने महिलेसह तिचे माहेरकडील मंडळी देखील हादरून गेले आहेत. (in dombivli son in law kidnapped mother in law from home angry with wife going to her maternal house did strange work)
नेमकं काय घडलं?
महिला आपल्या मुलासह माहेरी आल्यानंतर दोन दिवसांनी पती आपल्या मित्राला घेऊन कल्याण पूर्वेत पत्नी राहत असलेल्या सासूच्या (Mother-in-Law) घरी आला. पत्नी आणि मुलाला घेऊन जाण्यासाठी यावेळी तो आला होता. पण यावेळी सासूने मुलीला सासरी पाठविण्यास नकार दिला.
त्यानंतर जावयाने (Son-in-law) सासूला सांगितलं की, आपण या प्रकरणात पोलिसात जाऊ. यावेळी पोलीस ठाण्यात जायचे आहे असे खोटे सांगून जावयाने चक्क सासूचेच अपहरण (kidnap) केलं. सासूचं अपहरण करून जावयाने तिला थेट तळोजा येथे नेऊन कोंडून ठेवलं आणि तिला बेदम मारहाण केली असल्याचं आता समोर आलं आहे.
हे ही वाचा >> Crime: वासनांध पत्नी, प्रियकर अन् पतीच्याच पैशाने… हादरवून टाकणारी घटना
मिळालेल्या माहितीनुसार, भावेश मढवी हा तळोजा जवळील एका गावात राहतो. त्याचे लग्न कल्याण पूर्वेत राहत असलेल्या दीक्षिता खोकरे हिच्या बरोबर झाला आहे. त्यांना एक मुलगा देखील आहे. पण काही महिन्यांपासून दीक्षिता आणि पती भावेश यांच्यात कौटुंबिक कारणातून सातत्याने भांडणे होत होती. याच भांडणाला कंटाळून ती कल्याणमधील आपल्या आईच्या घरी आली होती.
हे वाचलं का?
