Pune Crime News : तीन हजार दिले नाही म्हणून ‘आयटी’तील तरुणाचा घेतला जीव
Pune Crime news in marathi : लोणीकंद पोलिसांनी एकाला केली अटक, दुसऱ्याचा शोध सुरू
ADVERTISEMENT
Pune Crime : पुण्यातील वाघोली येथील मल्हार डोंगराच्या पायथ्याशी दोन दिवसापूर्वी एका 35 वर्षीय तरुणाचा खून झाल्याची घटना घडली होती. या हत्येचा उलगडा झाला असून, या प्रकरणी पोलिसांनी एका आरोपीला अटक केली आहे. यात आणखी एका आरोपीचा समावेश असून, त्याचा शोध लोणीकंद पोलीस घेत आहे. या प्रकरणाच्या तपासात पोलिसांना घटनेचं कारण शोधण्यात यश आलं आहे.
गौरव सुरेश उरावी (वय 35) असे हत्या झालेल्या तरुणाचे नाव आहे. तर भगवान केंद्रे (वय 23, रा. परतापूर, जि. धारशिव) असे पोलिसांनी अटक केलेल्या आरोपीचे नाव आहे.
जेवण करून घराबाहेर पडला अन् मृतदेहच सापडला
पोलिसांनी दिलेल्या माहितीनुसार, मयत गौरव उरावी हा खराडी येथील एका सोसायटीमध्ये मित्रासोबत राहत होता. तो एका आयटी कंपनीत कामाला होता. त्यामुळे त्याच कामाच्या निमित्ताने नेहमी चारचाकी वाहनांमधून प्रवास होत होता.
हेही वाचा >> Ahmednagar : शेवगावमध्ये दोन गट भिडले! तुफान दगडफेक, वाहनांची तोफफोड
दरम्यान, आरोपी भगवान केंद्रे याच्या चारचाकी वाहनांमधून मयत गौरव याने अनेक वेळा प्रवास केला. त्यामुळे दोघांमध्ये चांगली मैत्री झाली होती. त्याच दरम्यान मयत गौरवने आरोपी भगवान याच्याकडून तीन हजार रुपये घेतले होते. मात्र ते पैसे देण्यास गौरव हा टाळाटाळ करीत होता.
हे वाचलं का?
