ड्रग्स तस्कराचे फोटो भाजपच्या दिग्गज नेत्यांसोबत, फोनमध्ये मुलींचेही सापडले अश्लील फोटो

तापासातील माहितीच्या आधारे, पोलिसांनी आणखी दोन आरोपींना अटक केली आहे.  नुकतंच अटक झालेल्या एका गुन्हेगाराचे अनेक राजकीय नेत्यांसोबत फोटोसुद्धा व्हायरल झाले आहेत. नेमकं प्रकरण काय?

तस्करांना रंगेहाथ पकडलं

पोलिसांनी दिलेल्या माहितीनुसार, जवळपास एक आठवड्यापूर्वी गोविंदपुरा भाजी मार्केटजवळ दोन संशयास्पद तरुण स्कूटी घेऊन उभे होते आणि एमडी ड्रग्जबद्दल बोलत होते. त्यानंतर पोलिसांना याबद्दल कळताच त्यांनी सैफुद्दीन आणि शाहरुख या दोन तरुणांना पकडले आणि आरोपींकडून 15.14 ग्रॅम एमडी पावडर जप्त करण्यात आली. या ड्रग्जची आंतरराष्ट्रीय किंमत सुमारे तीन लाख रुपये असल्याचं सांगण्यात येत आहे. पोलिसांच्या चौकशीत शाहवर आणि यासीन या दोन तरुणांची नावं समोर आली आणि या दोघांना पोलिसांनी ताब्यात घेतलं.

व्यवसायात मुलींचासुद्धा वापर

आरोपींनी त्यांचा ड्रग्ज व्यवसाय वाढवण्यासाठी मुलींचा वापर केला असल्याचं देखील पोलिस तपासात समोर आलं. यासाठी आरोपींनी आधी मुलींना ड्रग्जचं व्यसन लावलं आणि नंतर त्यांच्या माध्यमातून ड्रग्जची डिलिव्हरी करून घेतली. मुलींच्या मदतीने आरोपींना त्यांचा व्यवसाय वाढवायचा होता.