ठाणे: 20 हजार लाच मागितली, ACB ने पोलीस अधिकाऱ्याला रंगेहात पकडलं! ठाणे पोलीस दलात खळबळ

अटक न करण्यासाठी 20 हजार रुपयांची मागणी 

मिळालेल्या माहितीनुसार, प्रकरणातील तक्रारदार, त्याचा मुलगा आणि पत्नी यांच्याविरुद्ध उल्हासनगर पोलीस ठाण्यात गुन्हा दाखल झाला होता. आरोपी पोलीस अधिकाऱ्याने संबंधित तक्रारदाराला बोलवून घेतलं आणि त्यांना तसेच त्याच्या कुटुंबियांना अटक न करण्यासाठी 20 हजार रुपये देण्यास सांगितलं आणि पैसे न दिल्यास अटक करण्याची धमकी दिली. तक्रारदाराने ही रक्कम देण्यास नकार दिला आणि थेट एसीबीकडे धाव घेतली. तिथे त्याने त्याच्यासोबत घडलेल्या कृत्याबद्दल सांगितलं. 

हे ही वाचा: भ्रष्टाचाराचा मुद्दे काढले, आता अजितदादांना पहिला धक्का, पिंपरी-चिंचवडमध्ये भाजपचे दोन उमेदवार बिनविरोध विजयी

अधिकाऱ्याला लाच स्वीकारताना रंगेहात पकडलं

एसीबीने तक्रारीची प्राथमिक तपासणी केल्यानंतर एक योजना आखली. या सापळ्यात बिडगर यांना लाचेची रक्कम स्वीकारताना रंगेहात पकडण्यात आलं. तसेच, त्यांच्यावर भ्रष्टाचार प्रतिबंधक कायद्यांतर्गत (Prevention of Corruption Act) गुन्हा दाखल करण्यात आला आहे. सध्या या प्रकरणाची सखोल चौकशी सुरू असून, आरोपी अधिकाऱ्याकडून सविस्तर चौकशी केली जात आहे. 

हे ही वाचा: नवी मुंबई: पत्नी आणि तिच्या मामाकडून अश्लील व्हिडीओ पाठवून छळ, सतत चॅटिंग अन्... अखेर, तरुणाचं टोकाचं पाऊल

एसीबीच्या अधिकाऱ्यांनी दिलेल्या माहितीनुसार, पोलीस दलात कोणत्याही स्वरूपाची लाचखोरी खपवून घेतली जाणार नाही. कायद्यापुढे सर्वजण समान असून, दोषींना कठोर शिक्षा होईल. संबंधित प्रकरण ठाणे परिसरात चर्चेचा विषय ठरल्याचं पाहायला मिळतंय.