मुंबईतून गावी आली अन् हातोडीने वार करून पतीचा खून! मृतदेह ट्रॉली बॅगेत भरला अन् मुलीला म्हणाली, "तुझ्या पप्पांना..."

मुलीला फोन करून पतीच्या हत्येबद्दल सांगितलं

हत्येनंतर, आरोपी महिलेने मृतदेह लपवण्यासाठी एक योजना आखली. महिलेने पतीचा मृतदेह एका चादरीत गुंडाळला आणि तो लाल रंगाच्या ट्रॉली बॅगेत भरून घरात लवपून ठेवला. त्यानंतर, आरोपी पत्नीने तिच्या विवाहित मुलीला फोन करून तिच्या कृत्याबद्दल सांगितलं. फोनवर आपल्या मुलीला ती म्हणाली की, "मी तुझ्या वडिलांची हत्या केली आहे आणि मृतदेह सूटकेसमध्ये भरून तो घरात लपवून ठेवला आहे." आईचं बोलणं ऐकून मुलगी अतिशय घाबरली. ती लगेच तिच्या पतीसोबत गावी पोहोचली आणि तिने तिच्या काकांना घडलेल्या घटनेबद्दल सांगितलं. त्यानंतर, काकाने पोलीस स्टेशनमध्ये जाऊन तक्रार नोंदवली. 

हे ही वाचा: Delhi Blast: दिल्ली स्फोटानंतर, एटीएसने मुंबईतील शिक्षकाला उचललं! घरात देशविरोधी बैठका व्हायच्या अन्...

ट्रॉली बॅगेत चादरीत गुंडाळलेला मृतदेह...

तक्रार मिळताच पोलीस तातडीने घटनास्थळी पोहोचले आणि त्यांनी घराची झडती घेतली. तपासादरम्यान, त्यांना घरात एक ट्रॉली बॅग सापडली. ती बॅग उघडल्यानंतर, त्यात संतोषचा मृतदेह आढळला. मृतदेह चादरीत गुंडाळला होता आणि चेहऱ्यावर तसेच हातावर रक्ताचे डाग होते. कुटुंबियांनी दिलेल्या माहितीनुसार, आरोपी मंगरीता ही मुंबईमध्ये काम करत होती आणि काही दिवसांपूर्वीच ती गावी आली होती. पतीच्या हत्येनंतर, ती पुन्हा मुंबईला निघून गेली. घटनेची माहिती मिळताच, पोलीस तातडीने घटनास्थळी पोहोचले. मृताच्या भावाने नोंदवलेल्या तक्रारीवरून आरोपी महिलेविरुद्ध पोलीस स्टेशनमध्ये तक्रार दाखल करण्यात आली आहे. 

हे ही वाचा: मुलीचं कपड्यांवरुन ट्रोलिंग, इंदुरीकर महाराज भावूक, 2 दिवसांत कीर्तन क्षेत्र सोडण्याचा निर्णय घेणार; पाहा VIDEO

पोलिसांचा तपास 

पोलिसांच्या माहितीनुसार, मृताच्या पत्नीविरुद्ध भारतीय दंड संहिता 302 (हत्या) च्या अंतर्गत गुन्हा दाखल करण्यात आला असून याबाबत तपास सुरू करण्यात आला आहे. पतीने रागाच्या भरात पत्नीची हत्या केल्याचं प्राथमिक तपासात समोर आलं आहे. मात्र, हत्येमागचं नेमकं कारण अद्याप स्पष्ट झालेलं नाही. आता, आरोपीच्या शोधात पोलिसांचं पथक मुंबईला पोहोचलं असून प्रकरणाचा तपास सुरू आहे.