whatsapp scam : लाईक्स आमिष अन् ठाण्यातील व्यक्तीने गमावले 37 लाख, तुम्ही ही चूक करू नका
ठाण्यातील एका व्यक्तीला ऑनलाइन जॉबच्या नावाखाली तब्बल 37 लाख रुपयांना फसवण्यात आले. व्हॉट्सअपवर आधी मेसेज पाठवला गेला आणि नंतर या व्यक्तीकडून 37 लाख रुपये उकळण्यात आले.
ADVERTISEMENT
Online scams news : घरापासून ते ऑफिसपर्यंत संवादाचा महत्त्वाचा दुवा बनलेलं व्हॉट्सअॅप प्रत्येकाच्याच मोबाईलमध्ये आहे. Whatsapp सध्या काळात आवश्यक माध्यम झालं आहे. पण, याच whatsapp चा आता घोटाळेबाज फायदा घेऊ लागले आहेत. ऑनलाइन माध्यमातून फसवणुकीचे एक नवीन प्रकरण समोर आले आहे. यामध्ये ठाण्यातील एका व्यक्तीला व्हॉट्सअॅपवर मेसेज पाठवून दररोज ठराविक रकमेची ऑफर दिली गेली आणि त्याच्या खात्यातून 37 लाख रुपये काढून घेण्यात आले. नेमकं हे प्रकरण काय हेच समजून घ्या…
मीडिया रिपोर्ट्सनुसार, ठाणे शहरात राहणाऱ्या संबंधित व्यक्तीचा सध्याचा जॉब कॉन्ट्रॅक्ट लवकरच संपणार आहे. त्यामुळे त्याने ऑनलाइन रिक्रूटमेंट पोर्टलवर आपला बायोडाटा शेअर केला आहे. यानंतर त्या व्यक्तीला इन्स्टंट मेसेजिंग अॅपवर एका अनोळखी नंबरवरून मेसेज आला. या मेसेजमध्ये नवीन नोकरीची ऑफर होती आणि ही नोकरी अर्धवेळ होती.
90 हजार रुपयांपर्यंत कमावण्याची दिली ऑफर
तक्रार व्यक्तीला या अर्धवेळ नोकरीत दररोज 2000 ते 3000 रुपये कमावण्याची संधी मिळेल, असे आमिष दाखवण्यात आले. त्यावरून ही व्यक्ती महिन्याला 90,000 रुपयांपर्यंत कमवू शकते असे सांगितले गेले.
वाचा >> Jaipur Mumbai Train Firing : जवानाने चौघांवर गोळ्या का झाडल्या? ते लोक कोण?
ऑनलाइन गंडा घालणाऱ्यांनी काय काम दिलं?
whatsapp वरून मेसेज पाठवल्यानंतर गंडा घालणाऱ्यांनी ठाण्यातील व्यक्तीला सांगितले की, पार्ट टाइम जॉबमध्ये यूजर्सला इंस्टाग्रामवर सेलिब्रिटींचे फोटो लाईक करावे लागतील. एका लाईकवर 70 रुपये दिले जातील. यासाठी प्रत्येक लाईकचे स्क्रीनशॉट शेअर करावे लागतील. संबंधित व्यक्तीचा यावर विश्वास बसावा म्हणून सुरूवातीला काही लाईक्सचे 210 रुपये दिले गेले.
हे वाचलं का?
