Lok Sabha : कुणी EVM जाळलं, तर कुणाची हत्या..., तिसऱ्या टप्प्याच्या मतदानाच्या दिवशी काय काय घडलं?
Lok Sabha Election Third Phase Voting :सांगोल्यात ईव्हीएम जाळण्याचा प्रयत्न झाला. तर उस्मानाबादमध्ये ठाकरेंच्या शिवसैनिकाची हत्या करण्यात आल्याची ही घटना घडली आहे. यासह मतदानात व्यत्यय आणणाऱ्या अनेक घटना घडल्या आहे. नेमक्य या घटना काय आहेत. त्या जाणून घेऊयात
ADVERTISEMENT
Lok Sabha Election Third Phase Voting : राज्यातील 11 मतदार संघात तिसऱ्या टप्प्यातील मतदान यशस्वीरीत्या पार पडलं आहे. मात्र हे मतदान सूरू असताना अनेक ठिकाणी मतदानात व्यत्यय आणणाऱ्या घटना घडल्या. जसं सांगोल्यात ईव्हीएम जाळण्याचा प्रयत्न झाला. तर उस्मानाबादमध्ये ठाकरेंच्या शिवसैनिकाची हत्या करण्यात आल्याची ही घटना घडली आहे. यासह मतदानात व्यत्यय आणणाऱ्या अनेक घटना घडल्या आहे. नेमक्य या घटना काय आहेत. त्या जाणून घेऊयात. (lok sabha election third phase votin evm burn in sangola kolhapur senior citizen dies sambhajinagar evm hack)
सांगोल्यात EVM मशीन जाळली
माढा लोकसभा मतदारसंघातील सांगोल्या तालुक्यातील बागलवाडी येथे एका मतदार केंद्रावरती तरूणाने ईव्हीएम मशीन पेटवण्याचा प्रयत्न केला. पोलिसांनी त्याला तात्काळ ताब्यात घेऊन अटक केली आहे. संबंधित इसमावर गुन्हा दाखल करण्याची प्रक्रिया सांगोला पोलीस ठाण्यात सुरू असून याबाबत जिल्हाधिकारी पत्रकार परिषद घेतील अशी माहिती पोलिसांनी दिली आहे
हे ही वाचा : 'महाराष्ट्रात 'एवढ्या' जागा मिळतील', CM शिंदेंनी आकडाच सांगितला
कोल्हापूरात मतदानाच्या रांगेत वृद्धाचा मृत्यू
कोल्हापुरात मतदानासाठी आलेल्या उत्तरेश्वर पेठेतील रहिवाशाचा मृत्यू झाल्याची घटना घडली आहे. उत्तरेश्वर पेठेतील मतदान केंद्राबाहेर ही घटना घडली. महादेव सुतार (69) वर्षीय असं त्यां व्यक्तीचं नाव आहे. त्यांना तातडीन उपचारासाठी सीपीआर सरकारी हॉस्पीटलमध्ये दाखल करण्यात आलं होतं. मात्र उपचारापूर्वीच त्यांचा मृत्यू झाल्याच वैद्यकीय अधिकाऱ्यानी दिली आहे.
कोल्हापुरातील महादेव सुतार हे ६९ वर्षीय व्यक्ती पत्नी दोन मुलं सुना मुलगी यांच्यासह शिंगणापूर इथ राहतात. त्यांचं जुनं घर उत्तरेश्वर पेठेतील काळभैरव मंदिरा नजीक आहे. आज लोकसभेसाठी मतदान असल्यान महादेव सुतार हे कुटुंबीयांसह सकाळी १० वाजण्याच्या सुमारास जुन्या घरी आले होते. तिथून साडेदहा वाजण्याच्या सुमारास पुतण्यांसोबत ते शुक्रवार गेट नजीकच्या रमाबाई आंबेडकर शाळेतील मतदान केंद्रावर आले. पुतण्यांनी त्यांची मतदानासाठीची स्लिप देखील घेतली. दरम्यान अचानक चक्कर आल्यानं ते जमिनीवर कोसळले. मतदानासाठी आलेले नागरिक आणि केंद्रावर उपस्थित असलेल्या कार्यकर्त्यांनी त्यांना सावरण्याचा प्रयत्न केला. दरम्यानच्या कालावधीत ते बेशुद्ध झाल्यान त्यांना नातेवाईकांनी तातडीन सीपीआरमध्ये दाखल केलं. परंतु उपचारापूर्वीच त्यांचा मृत्यू झाल्याचं सीपीआर मधील वैद्यकीय अधिकाऱ्यांनी सांगितलं. या घटनेची नोंद सीपीआर पोलीस चौकीत झाली आहे.उन्हाच्या तडाख्यामुळच चक्कर येऊन बेशुद्ध पडल्याने त्यांचा मृत्यू झाल्याची चर्चा उत्तरेश्वर पेठेत सुरू होती.
हे वाचलं का?
