PM Modi : 'मोदीजी, कांद्यावर बोला', तरुणाच्या घोषणांनी सभेत गोंधळ, काय घडलं?

नाशिक लोकसभेचे उमेदवार हेमंत गोडसे आणि दिंडोरी लोकसभेच्या उमेदवार भारती पवार यांच्या प्रचारार्थ नाशिकमध्ये सभा आयोजित करण्यात आली होती. या सभेत पंतप्रधान नरेंद्र मोदी बोलत असताना गोंधळ उडाल्याची घटना घडली होती. पंतप्रधान मोदींनी भाषणाला सुरूवात केल्याच्या काही मिनिटानंतर अचानक एक तरूण मध्येच उठला आणि त्याने कांद्यावर बोला अशा घोषणा द्यायला सुरूवात केली. या घोषणेनंतर सभेत एकच गोंधळ उडाला होता. 

हे ही वाचा : "मी हिंदू-मुस्लीम करायला लागलो, तर...", स्वतःच्या भाषणावर मोदी काय बोलले?

या सर्व घटनेनंतर सभास्थळी उपस्थित असलेल्या पोलिसांनी तत्काळ तरूणाला ताब्यात घेतले आहे. आणि त्याला सभा स्थळावरून बाहेर नेले आहे. तरूणाने घातलेल्या गोंधळामुळे सभा काही सेकंद थांबली होती. 

हे ही वाचा : "एकनाथ शिंदे 7-8 तासांसाठी मुख्यमंत्रीही झाले होते", फडणवीसांचा स्फोटक दावा

पंतप्रधान मोदी काय म्हणाले? 

एका नेत्यानं छोट्या पक्षांना काँग्रेसमध्ये मर्ज करण्याचा सल्ला दिलाय, हे यांचे हाल आहे. नकली शिवसेना, राष्ट्रवादी काँग्रेसमध्ये विलिन होणं निश्चित आहे. जेव्हा नकली शिवसेना काँग्रेसमध्ये जाईल तेव्हा मला सर्वाधिक आठवण बाळासाहेबांची येईल. बाळासाहेब म्हणायचे की जेव्हा मला वाटेल की शिवसेना काँग्रेस होईल तेव्हा मी शिवसेना बंद करेल. हा विनाश बाळासाहेबांना सर्वाधिक दुखी करत असेल. नकली शिवसेनेनं बाळासाहेबांचे विचार नष्ट केले, अशी टीका मोदींनी ठाकरेंवर केली.

राममंदिर व्हावं हा बाळासाहेबांचं स्वप्न, जम्मूमधून ३७० संपवणं हे त्यांचं स्वप्न होतं. हे स्वप्न पूर्ण झाल्याची सर्वाधिक चीड नकली शिवसेनेला आलीय. राममंदिर प्राणप्रतिष्ठेला आमंत्रण देऊनही नाकारलं. शिवसेना आणि काँग्रेसची पापाची पार्टनरशीप, यांचं पाप उघड झालंय. सावरकरांवर टीका करणाऱ्या काँग्रेसला डोक्यावर घेऊन नकली शिवसेना फिरतेय.  नकली शिवसेनेला शिक्षा देण्याची तयारी महाराष्ट्रानं केलीय, असा हल्लाबोलही मोदींना ठाकरेंवर केला.