Shiv Sena Candidate : ठाणे शिंदेंकडेच! शिवसेनेकडून म्हस्के, शिंदेंना उमेदवारी
Shiv Sena Candidate Naresh Mhaske Srikanth Shinde : ठाणे लोकसभा आणि कल्याण लोकसभा मतदारसंघासाठी शिंदेंच्या शिवसेनेने उमेदवार जाहीर केले आहेत.
ADVERTISEMENT
बातम्या हायलाइट
ठाणे लोकसभा शिवसेना उमेदवार
कल्याण लोकसभा मतदारसंघातून श्रीकांत शिंदेंना उमेदवारी
महायुतीतील ठाण्याचा तिढा अखेर सुटला
Naresh Mhaske Thane Lok Sabha Candidate : महायुतीच्या जागावाटपाचे चित्र आता जवळपास स्पष्ट झाले आहे. मुंबईतील तीन जागा कायम राखल्यानंतर शिंदेंनी ठाणे आपल्याकडे ठेवण्यात यश मिळवले आहे. ठाण्याच्या जागेसाठी भाजप प्रचंड आग्रही होती. संजीव नाईक यांनी प्रचारही सुरू केला होता. त्यामुळे ठाण्यात शिवसैनिकांमध्ये अस्वस्थता होती. अखेर ठाण्यातून शिवसेनेचाच उमेदवार लढणार हे स्पष्ट झाले आहे. ठाणे लोकसभा मतदारसंघातून शिंदेंच्या शिवसेनेने नरेश म्हस्के यांना उमेदवारी दिली आहे. दुसरीकडे कल्याण लोकसभा मतदारसंघातून अपेक्षेप्रमाणे श्रीकांत शिंदे हेच लढणार आहेत. (Shiv Sena has nominated Naresh Mhaske from Thane Lok Sabha constituency, while Srikant Shinde will be the candidate from Kalyan)
महायुतीमध्ये निर्माण झालेला जागावाटपांचा घोळ अखेर सुटू लागला आहे. मुंबईतील दोन जागांवरील उमदेवार जाहीर केल्यानंतर आता ठाणे आणि कल्याणमधील लोकसभा उमेदवारांच्या नावाची घोषणा करण्यात आली आहे.
हेही वाचा >> मोदी म्हणाले 'भटकती आत्मा...' ठाकरे म्हणतात 'एक वखवखलेला आत्मा...'
Thane Lok Sabha : शिवसेना-भाजपमध्ये होती चढाओढ
ठाणे लोकसभा मतदारसंघ परत घेण्यासाठी भाजपकडून जोरदार प्रयत्न सुरू होते. या मतदारसंघात भाजपतील इच्छुक उमेदवारही आधीच कामाला लागले होते. त्यामुळे ही जागा शिंदेंना मिळणार की भाजप स्वतःकडे ठेवण्यात यशस्वी होईल, याबद्दल उत्सुकता होती. पण, जागावाटपात शिंदेंनी बाजी मारली असून, मुंबईतील तीन जागा मिळवण्याबरोबरच ठाणेही स्वतःकडे ठेवण्यात त्यांना यश आले आहे.
फडणवीसांनी केली होती श्रीकांत शिंदेंच्या नावाची घोषणा, पण...
काही दिवसांपूर्वी भाजपचे नेते आणि उपमुख्यमंत्री देवेंद्र फडणवीस यांनी कल्याण लोकसभा मतदारसंघातील उमेदवार म्हणून श्रीकांत शिंदेंच्या नावाची घोषणा केली होती. पण, त्यावर बोलताना श्रीकांत शिंदेंनी पक्षाने नाव जाहीर केलेलं नाही, असं म्हटलं होतं.
हे वाचलं का?
