PM Modi : पत्रकार परिषद घेत नाही कारण...; अखेर मोदींनी दिलं उत्तर
PM Modi Interview : पंतप्रधान नरेंद्र मोदी पत्रकार परिषद घेत नाहीत, हा मुद्दा कायम चर्चेत असतो. यामागील कारण मोदींनी उघड केले आहे.
ADVERTISEMENT
बातम्या हायलाइट
मोदी पत्रकार परिषद का घेत नाही?
पंतप्रधान मोदी यांनी दिले उत्तर
नरेंद्र मोदी यांची महामुलाखत
PM Modi Interview : पंतप्रधान मोदी पत्रकार परिषद का घेत नाही, असा सवाल विरोधकांकडून कायम उपस्थित केला जातो. पंतप्रधान मोदी यांनी दहा वर्षात एकही पत्रकार परिषद घेतली नाही, असेही विरोधक म्हणतात. याच मुद्द्यावर अखेर मोदींनी उत्तर दिले. पूर्वीची परिस्थिती आणि आताची यातील बदल अधोरेखित करत पंतप्रधानांनी पत्रकार परिषद न घेण्याची कारणं सांगितली.
लोकसभा निवडणुकीचा प्रचार जोरात सुरू आहे. निवडणुकीच्या प्रचाराच्या धामधुमीत पंतप्रधान नरेंद्र मोदी यांनी 'आज तक'ला खास मुलाखत दिली. 'इंडिया टुडे ग्रुप'चे न्यूज डायरेक्टर राहुल कंवल, मॅनेजिंग एडिटर अंजना ओम कश्यप, मॅनेजिंग एडिटर श्वेता सिंग आणि कन्सल्टिंग एडिटर सुधीर चौधरी यांनी पत्रकार परिषद न घेण्याबाबत आणि मुलाखती न देण्याबाबत मोदींना प्रश्न विचारला.
मोदी पत्रकार परिषद का घेत नाही?
तुम्ही जेव्हा गुजरातचे मुख्यमंत्री होतात, तेव्हा अनेकवेळा मुलाखत घेण्याची संधी आपण द्यायचा. आता तुम्ही पंतप्रधान झाला आहात, तर तुम्ही पत्रकार परिषद घेत नाही आणि मुलाखत घेण्याची संधीही कधीतरीच मिळते. त्यामुळे लोक विचारतात की, मोदी प्रत्येक प्रश्नाचं उत्तर देऊ शकतात, तर पत्रकार परिषद का घेत नाहीत?, असा प्रश्न मोदींना विचारण्यात आला होता.
या प्रश्नाला उत्तर देताना पंतप्रधान मोदी म्हणाले की, "पहिली गोष्ट म्हणजे या निवडणुकीत जर मला कुठे बघितले जात असेल, 'आज तक'वर बघत असतील. मी कधीच नकार दिला नाही."
हे वाचलं का?
