Salman Khan: 'मला संपवण्याचा प्लॅन, माझं खानदानही धोक्यात...'; सलमानने उडवून दिली खळबळ
Salman Khan Firing Case : मुंबईत 14 एप्रिल रोजी सकाळी सलमान खानचे घर असलेल्या गॅलेक्सी अपार्टमेंटमध्ये गोळीबार झाला. हे प्रकरण गांभीर्याने घेत मुंबई पोलिसांच्या गुन्हे शाखेने तपास सुरू केला.
ADVERTISEMENT
बातम्या हायलाइट
सलमान खानच्या जबाबात नेमकं काय?
Salman Khan Firing Case : मुंबईत 14 एप्रिल रोजी सकाळी सलमान खानचे घर असलेल्या गॅलेक्सी अपार्टमेंटमध्ये गोळीबार झाला. हे प्रकरण गांभीर्याने घेत मुंबई पोलिसांच्या गुन्हे शाखेने तपास सुरू केला. गोळीबार करणारे गुन्हेगार दुचाकीवरून आले होते, त्यांनी सलमानच्या घराबाहेर काही राउंड फायर केले आणि तेथून पळ काढला. नंतर मुंबई पोलिसांनी या गुन्हेगारांना पकडले. या प्रकरणाबाबत पोलिसांनी सुपरस्टार सलमान खानचे जबाबही नोंदवले होते, जे आता हाती लागले आहेत. (salman khan exclusive mumbai crime branch firing case chargesheet he said in recorded statement lawrence bishnoi wants to kill me)
सलमान खानच्या घरावर गोळीबार केल्याप्रकरणी मुंबई पोलिसांच्या गुन्हे शाखेने आरोपपत्र दाखल केले आहे. यामध्ये सलमान खानने दिलेल्या वक्तव्याचाही समावेश करण्यात आला आहे. घरावर गोळीबार झाला त्यावेळी तो कुठे होता आणि काय करत होता, हे सलमानने आपल्या जबाबात सांगितले होते. 4 जून रोजी सलमानने मुंबई क्राइम ब्रँचच्या अँटी एक्स्टॉर्शन सेलकडे त्याचे जबाब नोंदवले होते. त्यात त्याने कोणते खुलासे केले ते जाणून घेऊयात.
हेही वाचा : Manoj Jarange: 'भाजप कधीच सत्तेत येऊ देऊ नका', जरांगेंचा मराठा समाजाला उघडउघड मेसेज!
सलमान खानच्या जबाबात नेमकं काय?
मुंबई पोलिसांच्या क्राइम ब्रँचला दिलेल्या जबाबात सलमान खान म्हणाला होता की, 'मी व्यवसायाने फिल्मस्टार आहे आणि गेल्या 35 वर्षांपासून हिंदी फिल्म इंडस्ट्रीत काम करत आहे. अनेक प्रसंगी माझ्या हितचिंतकांची आणि चाहत्यांची गर्दी वांद्रे येथील बँडस्टँडजवळील माझे घर गॅलेक्सी अपार्टमेंटजवळ जमते. त्यांच्या प्रेम आणि आदरासाठी मी माझ्या फ्लॅटच्या पहिल्या मजल्यावरील बाल्कनीतून हात दाखवतो.
तसेच, माझ्या घरी, मित्रपरिवारात पार्टी असते, माझे वडील येतात, मी त्यांच्यासोबत बाल्कनीत वेळ घालवतो. कामानंतर किंवा सकाळी लवकर मी ताजी हवा घेण्यासाठी बाल्कनीत जातो. मी स्वतःसाठी खासगी सुरक्षा देखील घेतली आहे.
हे वाचलं का?
