Seema haider : सीमावर चित्रपट बनवणाऱ्या अमित जानीला मनसेने का दिलीये धमकी?
अमित जानी हे सीमा हैदर आणि सचिनच्या लव्हस्टोरीवर कराची टू नोएडा असा चित्रपट बनवणार असून, याला मनसेने विरोध केला आहे. महाराष्ट्र नवनिर्माण चित्रपट सेनेचे अमेय खोपकर यांनी इशारा दिलाय.
ADVERTISEMENT

seama Haider and sachin love story film : सीमा हैदर कोण, हे आज कुणाला सांगण्याची गरज नाही. गेल्या महिनाभरापासून तिची इतकी प्रसिद्धी झालीये. सीमा हैदर आजही कोणत्या ना कोणत्या कारणाने चर्चेत असते. आता सीमा हैदर आणि सचिनच्या लव्हस्टोरीवर चित्रपटही येणार आहे. पण हा चित्रपट बनवणाऱ्या निर्मात्याला धमकी देण्यात आलीये. मनसेबरोबर आणखी एका पक्षाने ही धमकी दिलीये.
सीमा आणि सचिनच्या कथेवर ‘कराची टू नोएडा’ हा चित्रपट बनत आहे. जानी फायरफॉक्स प्रॉडक्शन हाऊसचे अमित जानी हा चित्रपट बनवत आहेत. या चित्रपटात सीमा हैदरची भूमिका मॉडेल आणि अभिनेत्री फरहीन फलक ही साकारणार आहे.
सपा नेत्याची पहिली धमकी
सीमा हैदर ही गुप्तहेर असल्याचेही म्हटले गेले आहे सध्या तिची उत्तर प्रदेश एटीएसकडून चौकशी सुरू असून, तिच्यावर चित्रपट बनवण्यास विरोध होत आहे. कराची टू नोएडा असा चित्रपट बनवणाऱ्या अमित जानी यांना आधी उत्तर प्रदेशातील सपाचे नेते अभिषेक सोम आणि नंतर महाराष्ट्र नवनिर्माण सेनेने चित्रपट धमकी दिली आहे.
प्रसिद्ध ‘लव्हस्टोरी’वर ‘कराची ते नोएडा’
अमित जानी यांनी सीमा हैदर आणि सचिन यांच्या प्रसिद्ध ‘लव्हस्टोरी’वर ‘कराची टू नोएडा’ या नावाने चित्रपट बनवण्याची घोषणा केली. या संदर्भात अमित जानीने सीमा आणि सचिनला चित्रपटाची ऑफरही दिली होती, तेव्हापासून अमित जानीला धमक्या येण्यास सुरूवात झाली.