‘3 idiots’ मधील लायब्रेरियन दुबे काळाच्या पडद्याआड! मृत्यूचे कारण आले समोर
बॉलिवूड विश्वातून एक धक्कादायक बातमी समोर आली आहे. ‘थ्री इडियट्स’ या चित्रपटातील लायब्रेरियनच्या भूमिकेमुळे प्रसिद्धीच्या झोतात आलेले अभिनेते अखिल मिश्रा याचा मृत्यू झाला आहे.
ADVERTISEMENT
Akhil Mishra Passes Away : बॉलिवूड विश्वातून एक धक्कादायक बातमी समोर आली आहे. ‘थ्री इडियट्स’ या चित्रपटातील लायब्रेरियनच्या भूमिकेमुळे प्रसिद्धीच्या झोतात आलेले अभिनेते अखिल मिश्रा याचा मृत्यू झाला आहे. मुंबईतील मीरा रोड येथील घरात बुधवारी (20 सप्टेंबर) दुपारी अचानक पाय घसरल्याने अखिल यांच्या डोक्याला गंभीर दुखापत झाली. त्यांना घाईघाईने दवाखान्यात नेऊन दाखल करण्यात आलं. (3 idiots Fame Actor Akhil Mishra Died)
जखम खोल असल्याने डॉक्टर त्यांना वाचवू शकले नाहीत आणि काही तासांतच त्यांचा मृत्यू झाला. अखिल यांची पत्नी सुझान बर्नेट चित्रपटाच्या शूटिंगसाठी हैदराबादला गेली होती. सुझैनच्या मॅनेजरने अखिल यांच्या मृत्यूबाबत ही माहिती दिली.
Crime News : विद्यार्थ्याने शिक्षकाचा अश्लील व्हिडिओ इंस्टाग्रामवर केला शेअर
‘3 इडियट्स’मधून मिळाली ओळख!
अखिल मिश्रा यांनी अनेक टीव्ही शो आणि चित्रपटांमध्ये काम केलं. त्यांनी भंवर, उत्तरन, उडान, सीआयडी, श्रीमान श्रीमती, भारत एक खोज, रजनी असे शो केले होते. चित्रपटांबद्दल बोलायचं झालं तर, अभिनेत्याने डॉन अब्बा, हजारों ख्वाइशे ऐसी, 3 इडियट्स या चित्रपटात काम केलं होतं. अखिल यांनी वर्षानुवर्षे इंडस्ट्रीत काम केले पण त्यांना 3 इडियट्समधील लायब्रेरियन दुबेच्या भूमिकेतून ओळख मिळाली. उत्तरन या मालिकेतील उमेद सिंग बुडेलाच्या भूमिकेतही त्यांना खूप पसंती मिळाली.
पत्नीसोबत ऑनस्क्रीनही केलं होतं काम
अखिल यांची पत्नी सुझान बर्नेट ही देखील व्यवसायाने अभिनेत्री आहे. पतीच्या निधनानंतर ती दु:खात आहे. अखिलच्या पहिल्या पत्नीचे नाव मंजू मिश्रा होते. 1983 मध्ये लग्न झाल्यानंतर 1997 मध्ये दोघांचा घटस्फोट झाला. मंजूपासून विभक्त झाल्यानंतर सुझैन अखिलच्या आयुष्यात आली. अखिलने 2009 मध्ये सुझान बर्नेटशी लग्न केले. हे त्यांचे दुसरे लग्न होते.
हे वाचलं का?
