Bindeshwar Pathak : ‘टॉयलेट मॅन’ची स्टोरी, ज्यांच्यापुढे अमेरिकेनेही पसरले होते मदतीसाठी हात!
भारतात प्राचीन काळात मॅन्युअल स्कॅव्हेंजिंगची प्रथा होती. ज्यामध्ये एखाद्या व्यक्तीला स्वतःच्या हाताने मानवी मल स्वच्छ करायला लावायचे. हे काम जातिव्यवस्थेशी संबंधित होते, ज्यामध्ये तथाकथित कनिष्ठ जातींचे ते कार्य असल्याचे मानले जायचे. पण बिंदेश्वर पाठक हे ते व्यक्ती आहेत ज्यांनी लाखो लोकांना या प्रथेतून मुक्त केले. देशाला सार्वजनिक स्वच्छतागृहांची व्यवस्था दिली.
ADVERTISEMENT
Bindeshwar Pathak Story : भारतात प्राचीन काळात मॅन्युअल स्कॅव्हेंजिंगची प्रथा होती. ज्यामध्ये एखाद्या व्यक्तीला स्वतःच्या हाताने मानवी मल स्वच्छ करायला लावायचे. हे काम जातिव्यवस्थेशी संबंधित होते, ज्यामध्ये तथाकथित कनिष्ठ जातींचे ते कार्य असल्याचे मानले जायचे. पण बिंदेश्वर पाठक हे ते व्यक्ती आहेत ज्यांनी लाखो लोकांना या प्रथेतून मुक्त केले. देशाला सार्वजनिक स्वच्छतागृहांची व्यवस्था दिली.
अमेरिकेच्या विनंतीवरून, त्यांनी त्यांच्या सैन्याला विशेष शौचालये दिली. मंगळवार 15 ऑगस्ट 2023 रोजी बिंदेश्वर पाठक यांचे निधन झाले. सुलभ इंटरनॅशनलचे संस्थापक आणि पद्मभूषण पुरस्कार विजेते समाजसेवक बिंदेश्वर पाठक 80 वर्षांचे होते. सुलभ इंटरनॅशनलच्या कार्यालयात तिरंगा फडकवल्यानंतर त्यांना अस्वस्थ अस्वस्थ वाटू लागलं. प्रकृती खालावल्याने त्यांना दिल्ली एम्समध्ये नेण्यात आले. जिथे त्यांनी दुपारी दोनच्या सुमारास अखेरचा श्वास घेतला. मृत्यूचे कारण हृदयविकाराचा झटका असल्याचे सांगण्यात आले आहे.
Sharad Pawar : ‘सत्तेच्या मागे जा,पण माणुसकी…,’ शरद पवारांनी अजित पवारांना सुनावलं
बिंदेश्वर पाठक यांच्या निधनाबद्दल पंतप्रधान नरेंद्र मोदी, राष्ट्रपती द्रौपदी मुर्मू आणि तमाम देशवासीयांनी दु:ख व्यक्त केले. पीएम मोदींनी ट्विट करून लिहिलं की, ‘बिंदेश्वर पाठक यांचे निधन हे देशाचे मोठे नुकसान आहे. स्वच्छ भारत घडवणे हे त्यांचे ध्येय आहे. त्यांच्याशी बोलताना त्यांची स्वच्छतेची आवड नेहमीच दिसून येत होती.’ याच बिंदेश्वर पाठकांबद्दल आपण सविस्तर जाणून घेऊयात.
बिंदेश्वर पाठक कोण होते?
सफाई म्हणजे काय, नव्या पिढीने तुम्ही-आम्ही ऐकलंच असेल. बिंदेश्वर पाठक यांनी दोन वेळच्या भाकरीसाठी हे अत्यंत कष्टाचे काम करताना मोठ्या वर्गाला पाहिले होते. पण, काही लोकांना वाईट गोष्टी नुसत्या दिसत नाहीत, तर ते दूर करण्याचाही प्रयत्न करतात. बिंदेश्वर पाठकही तसेच. यासाठी ७० च्या दशकात बिंदेश्वर पाठक यांनी बिहारमध्ये सुलभ इंटरनॅशनलची पायाभरणी केली होती. सुलभ इंटरनॅशनल ही नॉन-प्रॉफिट संस्था आहे.
हे वाचलं का?
