माजी गृहमंत्री अनिल देशमुख यांच्या ED कोठडीमध्ये 12 नोव्हेंबरपर्यंत वाढ
महाराष्ट्राचे माजी गृहमंत्री अनिल देशमुख हे सध्या ईडी कोठडीत आहेत. त्यांची दिवाळी तुरुंगात गेली, त्यानंतरचे पुढचे दिवसही तुरुंगात जाणार आहेत. कारण त्यांच्या ईडी कस्टडीत 12 नोव्हेंबरपर्यंत वाढ करण्यात आली आहे. सत्र न्यायालयाने अनिल देशमुख यांना न्यायालयीन कोठडी सुनावली होती. या निर्णयाला ईडीने मुंबई उच्च न्यायालयात आव्हान दिले होते. यावर मुंबई उच्च न्यायालयाने अनिल देशमुख यांची […]
ADVERTISEMENT
महाराष्ट्राचे माजी गृहमंत्री अनिल देशमुख हे सध्या ईडी कोठडीत आहेत. त्यांची दिवाळी तुरुंगात गेली, त्यानंतरचे पुढचे दिवसही तुरुंगात जाणार आहेत. कारण त्यांच्या ईडी कस्टडीत 12 नोव्हेंबरपर्यंत वाढ करण्यात आली आहे. सत्र न्यायालयाने अनिल देशमुख यांना न्यायालयीन कोठडी सुनावली होती. या निर्णयाला ईडीने मुंबई उच्च न्यायालयात आव्हान दिले होते. यावर मुंबई उच्च न्यायालयाने अनिल देशमुख यांची पुन्हा ईडी कोठडीत रवानगी केली आहे. मुंबई उच्च न्यायालयाने अनिल देशमुख यांना 12 नोव्हेंबरपर्यंत ईडी कोठडी सुनावली आहे.
अनिल देशमुख यांना सत्र न्यायालयाने 14 दिवसांची न्यायालयीन कोठडी सुनावली होती. अनिल देशमुख यांना 1 नोव्हेंबर रोजी रात्री उशीरा ईडीने अटक केली होती. त्यानंतर 2 नोव्हेंबर रोजी न्यायालयाने त्यांना 6 नोव्हेंबरपर्यंत ईडी कोठडी सुनावली होती. त्यानंतर शनिवारी (6 नोव्हेंबर 2021) पुन्हा कोठडी संपल्याने न्यायालयात हजर केले असता त्यांना 14 दिवसांची न्यायालयीन कोठडी सुनावली होती. आता त्यांच्या कोठडीत 12 नोव्हेंबरपर्यंत वाढ करण्यात आली आहे.
100 कोटी वसुलीप्रकरणी आरोप असलेले अनिल देशमुख अनेक दिवसांपासून समोर आलेले नव्हते. अनिल देशमुख यांना 5 वेळा समन्स बजावल्यानंतरही ईडीसमोर हजर राहिले नव्हते. त्यामुळे त्यांना त्यांच्या नावानं लुक आऊट सर्क्युलर जारी करण्यात आलं होतं. तसंच देशमुख यांचा शोध घेण्यासाठी ईडीकडून सीबीआयकडे मदत मागण्यात आली होती. अखेर 1 नोव्हेबर रोजी अनिल देशमुख ईडी कार्यालयात हजर झाले. सकाळी 11 वाजेच्या सुमारास अनिल देशमुख ईडी कार्यालयात पोहोचले होते. त्यानंतर जवळपास 12 तासांच्या चौकशीनंतर अनिल देशमुख यांना ईडीने अटक केली आहे.
हे वाचलं का?
