पोलिसांनी का केला लाठीचार्ज?

या घटनेची माहिती मिळताच संतप्त गावकऱ्यांनी आरोपीचा निषेध करत गोंधळ घालण्यास सुरुवात केली. परिस्थिती इतकी बिघडली की, घटनास्थळी पोहोचलेल्या पोलीस पथकावरही जमावाने हल्ला केला. जमावाला पांगवण्यासाठी आणि परिस्थितीवर नियंत्रण मिळवण्यासाठी पोलिसांना लाठीचार्ज करावा लागला. या संघर्षामुळे परिसरात काही काळ अफरातफरीचे वातावरण निर्माण झाले होते. सध्या गावात मोठ्या प्रमाणात पोलीस बंदोबस्त तैनात करण्यात आला असून परिस्थिती नियंत्रणात असल्याचे प्रशासनाकडून सांगण्यात येत आहे.

हे ही वाचा : अमरावती : मोबाईल दुकानदाराच्या बायकोने नादी लावलं, 64 वर्षीय शेतकऱ्याचे 70 लाख गेले

पोलिसांनी काय सांगितले?

नालंदाचे पोलीस अधीक्षक (एसपी) भरत सोनी यांनी या घटनेबाबत माहिती देताना सांगितले की, लिंबू तोडल्याच्या वादातून ही घटना घडल्याचे प्राथमिक तपासात समोर आले आहे. पोलिसांना सुरुवातीला गावकऱ्यांच्या विरोधाचा सामना करावा लागला, मात्र आता परिस्थिती शांत आहे. मुलाचा मृतदेह शवविच्छेदनासाठी सदर रुग्णालयात पाठवण्यात आला असून, या हत्येमागील नेमके कारण स्पष्ट करण्यासाठी पोलीस कसून तपास करत आहेत. आरोपीवर कठोर कारवाई केली जाईल, असे आश्वासनही त्यांनी दिले आहे.

हे ही वाचा : 'तुझी बहीण जिवंत जाणार नाही..' लग्नानंतर चारच दिवसांत सासूची धमकी, भाऊ पोहोचेपर्यंत...

जिल्हाधिकाऱ्यांनी घेतली दखल

जिल्हाधिकाऱ्यांनीही या प्रकरणाची गंभीर दखल घेतली असून ते परिस्थितीवर सतत लक्ष ठेवून आहेत. त्यांनी स्पष्ट केले की, या प्रकरणाची सखोल चौकशी करून दोषीला कठोर शिक्षा सुनिश्चित केली जाईल. एका किरकोळ कारणावरून एका निष्पाप मुलाचा जीव गेल्याने सर्वत्र हळहळ व्यक्त होत असून, भविष्यात अशा घटना टाळण्यासाठी प्रशासन सतर्क झाले आहे. सध्या संपूर्ण गावात तणावपूर्ण शांतता असून पोलीस पुढील कायदेशीर कारवाई करत आहेत.