भावजीकडून अल्पवयीन मेव्हणीवर अत्याचार, सततच्या बलात्कारानंतर पीडिता गरोदर

19 फेब्रुवारी रोजी पोलिसांनी नोएडाच्या सेक्टर 39 मध्ये बलात्कार आणि पॉस्को अंतर्गत गुन्हा दाखल केला होता. पोलिसांनी या प्रकरणाचा तपास सुरू केला असता अनेक धक्कादायक खुलासे झाले आहेत.

सेक्टर 39 मध्ये राहणाऱ्या मुलीच्या कुटुंबीयांनी पोलिसांना सांगितले की, आरोपीने मुलीला काही आमिष दाखवून तिच्याशी शारीरिक संबंध ठेवले आणि तिचा अश्लील व्हिडिओ शूट केला. यानंतर याच व्हीडिओची भीती दाखवून तो मुलीला सतत ब्लॅकमेल करत होता.

दरम्यान, या घटनेची माहिती मिळताच पोलिसांनी टेक्निकल सर्विसच्या मदतीने आरोपी जितेंद्रसिंग प्रजापती याला अटक केली. जितेंद्र सिंग प्रजापती हा भरतपूर राजस्थानचा रहिवासी असून तो सध्या नोएडा सेक्टर 44 मध्ये राहत होता.