दोन महिने चालणार IPL चा थरार; जिओने निवडक यूजर्ससाठी आणली खास 'क्रिकेट प्लान'

Reliance Jio prepaid plan with Disney+ Hotstar : आयपीएलच्या पार्श्वभूमीवर जिओने २७९ रुपयांचा प्लान आणला आहे...
Reliance Jio prepaid plan with Disney+ Hotstar
Reliance Jio prepaid plan with Disney+ HotstarIndiaToday

आयपीएलचा पंधरावा हंगाम २६ मार्चपासून सुरू होत असून, क्रिकेट चाहते आयपीएलचा थरार अनुभवण्यास सज्ज झाले आहेत. वेगवेगळ्या चॅनेल्सबरोबरच डिस्ने प्लस हॉटस्टार वरून आयपीएलच्या सामन्यांचं थेट प्रक्षेपण केलं जाणार आहे. त्यामुळे जिओने आता निवडक यूजर्ससाठी स्वस्तातला क्रिकेट प्लान आणला आहे.

रिलायन्स जिओने २७९ रुपयांचा क्रिकेट प्लान आणला आहे. प्रीपेड यूजर्ससाठी ही ऑफर असून, २७९ रुपयांच्या या प्रीपेड प्लानमध्ये एका वर्षासाठी डिस्ने प्लसचे सबस्क्रिप्शन मिळणार आहे. जिओच्या या नवीन रिचार्ज प्लानमध्ये व्हॉईस कॉल लाभ समाविष्ट नाही. मात्र, हा प्लान घेतलेल्यांना डेटा आणि डिस्ने प्लस हॉटस्टार OTT चं सबस्क्रिप्शन मिळणार आहे.

जिओच्या प्लानमध्ये काय?

जिओच्या २७९ रुपयांच्या प्रीपेड प्लानमध्ये एका वर्षासाठी Disney+ Hotstar मोबाईल सबस्क्रिप्शन मिळणार आहे. त्याचबरोबर १५ जीबी हाय-स्पीड डेटा दिला मिळणार आहे. हा प्लान घेतल्यानंतर डेटा वैधता प्लानच्या वैधतेपर्यंतच राहणार आहे.

महत्त्वाची गोष्ट म्हणजे रिलायन्स जिओचा हा प्लान निवडक यूजर्ससाठीच आहे. जिओकडून मोजक्यासाठी ग्राहकांसाठी या प्लानचे नोटिफिकेशन पाठवलं जात आहे. जर तुमच्या My Jio app मध्ये जर जिओच्या या प्लानसंदर्भात माहिती आलेली असेल, तर तुम्हाला या प्लानचा लाभ घेता येणार आहे.

जर तुमच्यासाठी जिओचा नवीन क्रिकेट प्लान नसेल, तर तुम्ही जिओच्या इतर प्लानचा विचार करू शकता. जिओचा ४९९ प्रीपेड क्रिकेट प्लान सर्वात स्वस्तात आहे. या प्लानमध्ये अनलिमिटेड व्हाईस कॉल, दररोज १०० एसएमएस आणि २ जीबी डेटा मिळणार आहे.

जिओ या प्रीपेड प्लानची वैधता २८ दिवस असून, या प्लान एका वर्षासाठी Disney+ Hotstar चं सबस्क्रिप्शन मिळणार आहे. हा प्लान तुम्ही जर जिओ मार्ट वरून खरेदी केल्यास २० टक्के सवलत मिळणार आहे.

तुम्हाला रिचार्च करायचा नसेल आणि आयपीएल मॅच बघण्यासाठी अतिरिक्त डेटा हवा असेल, तर जिओचं १२१ रुपयांचं डेटा व्हाऊचर खरेदी केल्यास तुम्हाला १२ जीबी ४जी डेटा मिळेल.

Related Stories

No stories found.
Mumbai Tak
www.mumbaitak.in