उपमुख्यमंत्री अजित पवारांनी नवाब मलिक आणि नितेश राणेंना भर सभेत सुनावले खडे बोल

राकेश गुडेकर, रत्नागिरी: उपमुख्यमंत्री अजित पवार यांनी राष्ट्रवादीचे नेते आणि मंत्री नवाब मलिक आणि भाजप आमदार नितेश राणे यांचं नाव न घेता दोघांनाही खडेबोल सुनावले आहेत. नितेश राणे यांनी काही दिवसांपूर्वी विधानसभेच्या पायऱ्यांवर बसून ‘म्यॉव, म्यॉव’ आवाज काढत मंत्री आदित्य ठाकरेंना डिवचलं होतं. तर त्यानंतर राष्ट्रवादीचे मंत्री नवाब मलिक यांनी एक फोटो ट्विटरवर शेअर करुन नितेश राणे यांना प्रत्युत्तर दिलं होतं. याच सगळ्या वादावरुन आता अजित पवार यांनी या दोन्ही नेत्यांना सुनावलं आहे. रत्नागिरी जवळच्या मिऱ्या धूपप्रतिबंधक बंधाराच्या भूमिपूजन कार्यक्रमाच्या जाहीर भाषणात उपमुख्यमंत्री अजित पवार बोलत होते.