हात जोडून माफी मागा नाहीतर अयोध्येत घुसू देणार नाही – भाजप खासदाराने राज ठाकरेंना सुनावलं

मध्यंतरीच्या काळात राज ठाकरेंनी उत्तर भारतीयांविरुद्ध आंदोलन केलं होतं. मनसे सैनिकांनी मराठी भाषेच्या मुद्द्यावर अनेक उत्तर भारतीयांना मारहाणही केली होती. त्यामुळे राज ठाकरे यांना अयोध्येत यायचं असेल तर त्यांनी हात जोडून उत्तर भारतीयांची माफी मागावी. माफी मागितली नाही तर त्यांना अयोध्येत घुसू देणार नाही असं ब्रिजभूषण म्हणाले आहेत.

उत्तर भारतीयों को अपमानित करने वाले राज ठाकरे को अयोध्या की सीमा में घुसने नहीं दूंगा
अयोध्या आने से पहले सभी उत्तर भारतीयों से हाथ जोड़कर माफ़ी मांगे राज ठाकरे#MNS #RajThackeray #Ayodhya @ANI @ANINewsUP

— BrijBhushan Sharan Singh MP (@sharan_mp) May 5, 2022

जब तक राज ठाकरे सार्वजनिक रूप से उत्तर भारतीयों से माफ़ी नहीं मांग लेते
मेरा आग्रह है तब तक मुख्यमंत्री श्री @myogiadityanath जी को राज ठाकरे से नहीं मिलना चाहिए @CMOfficeUP @BJP4UP @BJP4India @BJP4Maharashtra

— BrijBhushan Sharan Singh MP (@sharan_mp) May 5, 2022

राम मंदिर आन्दोलन से लेकर मंदिर निर्माण तक राष्ट्रीय स्वयंसेवक संघ, विश्व हिन्दू परिषद और आमजन की ही भूमिका रही है
ठाकरे परिवार का इससे कोई लेना देना नहीं#Thackerayfamily #ShivSena #RamMandirAyodhya #JaiShreeRam #RamMandir @ShriRamTeerth @narendramodi @RSSorg @VHPDigital

— BrijBhushan Sharan Singh MP (@sharan_mp) May 5, 2022

इतकच नव्हे तर ब्रिजभूषण सिंग यांनी जोपर्यंत राज ठाकरे उत्तर भारतीयांची माफी मागत नाहीत तोपर्यंत मुख्यमंत्री योगी आदित्यनाथ यांनी त्यांची भेट घेऊ नयेत असंही ब्रिजभूषण यांनी म्हटलं आहे. राम मंदिर आंदोलनात राष्ट्रीय स्वयंसेवक संघ, विश्व हिंदू परिषद आणि सामान्य लोकांचं योगदान होतं. यात ठाकरे परिवाराचं काहीही घेणंदेणं नव्हतं असंही ब्रिजभूषण यांनी म्हटलं आहे.

मनसेचा जन्म झाल्यापासून राज ठाकरे यांनी मराठी भाषेचा मुद्दा उचलून धरला होता. मध्यंतरीच्या काळात मनसे सैनिकांनी कल्याण आणि मुंबईत रेल्वे परीक्षांसाठी आलेल्या उत्तर भारतीयांना मारहाण केली होती. राज ठाकरेंच्या या आंदोलनाला तेव्हा भरपूर प्रतिसाद मिळाला…ज्यात मनसेचे 13 आमदार निवडून आले. कालांतराने मनसेला उतरती कळा लागल्यानंतर राज ठाकरेंनी उत्तर भारतीयांविरुद्धची आपली भूमिका नरम केलेली पहायला मिळाली. गेल्या काही दिवसांपासून मनसे-भाजप युतीच्या चर्चा राज्याच्या राजकारणात रंगलेल्या होत्या.

मनसे आणि भाजप एकत्र येण्यासाठी राज ठाकरेंची उत्तर भारतीयांविरोधातली भूमिका हाच एक मोठा कळीचा मुद्दा असल्याचं भाजपने सांगितलं होतं. काही दिवसांपूर्वी राज ठाकरेंनी उत्तर भारतीयांच्या संमेलनातही हजेरी लावून आपली भूमिका स्पष्ट केली होती. त्यामुळे अयोध्या दौऱ्याआधी राज ठाकरेंना होत असलेला विरोध आता असाच कायम राहतो की मावळतो हे पाहणं महत्वाचं ठरणार आहे.