Mahanaryaman Scindia: PM मोदींच्या भेटीनंतर 4 दिवसात ज्योतिरादित्य शिंदेंच्या मुलाची मोठ्या पदावर वर्णी

प्रेस नोटमध्ये म्हटले आहे की, ‘ग्वाल्हेर डिव्हिजन क्रिकेट असोसिएशनचे संरक्षक ज्योतिरादित्य सिंधिया यांनी एक नवीन कार्यकारिणी तयार केली आहे, ज्यामध्ये अत्यंत अनुभवी माजी IAS प्रशांत मेहता यांची अध्यक्षपदी निवड करण्यात आली आहे आणि विशेषत: महाआर्यमन सिंधिया यांची उपाध्यक्षपदी निवड झाली आहे. त्यांची निवड ही तरुणांचा विचार करुन करण्यात आली आहे. जे अतिशय स्तुत्य पाऊल आहे.’

महाआर्यमनचे वडील ज्योतिरादित्य आणि आजोबा माधवराव सिंधिया यांचे क्रिकेटशी घट्ट नाते आहे. ज्योतिरादित्य सध्या ग्वाल्हेर डिव्हिजन क्रिकेट असोसिएशनचे संरक्षक आहेत. त्यांनी मध्य प्रदेश क्रिकेट असोसिएशनचे अध्यक्षपदही भूषवले आहे.