नोबेल पुरस्कार विजेती मलाला युसुफझईने केलं लग्न; ट्विटरवर शेअर केले फोटो

नोबेल शांतता पुरस्कार विजेती मलाला युसुफझईने पती आणि आईवडिलांसोबतचे काही फोटो शेअर केले आहेत. या फोटोंसोबत मलालाने कॅप्शनमध्ये लग्नाबद्दलची माहिती दिली.

‘आजचा दिवस माझ्या आयुष्यातील अमूल्य दिवस आहे. असर आणि मी आयुष्यभरासाठी विवाहबद्ध झालो आहोत. आम्ही बर्मिंघममध्ये आमच्या कुटुंबियांसोबत एका छोटेखानी विवाह सोहळा आयोजित केला होता. आम्हाला आपल्या सदिच्छा द्या. पुढील आयुष्य सोबत जगण्यासाठी आम्ही उत्साहित आहोत’, असं मलालाने म्हटलं आहे.

24 वर्षीय मलाला मुळची पाकिस्तानी असून, मुलींच्या शिक्षणासाठी तिने काम केलं आहे. 15 वर्षांची असताना मलालावर दहशतवाद्यांनी प्राणघातक हल्ला केला होता. त्यातून बचावल्यानंतर मलालाने पाकिस्तानातील तालिबानी नियमां विरोध करत मुलींच्या शिक्षणासाठी पुढाकार घेतला होता. मलाला युसुफझई नोबेल पुरस्कार मिळालेली इतिहासातील वयाने सर्वात लहान व्यक्ती आहे.

Today marks a precious day in my life.
Asser and I tied the knot to be partners for life. We celebrated a small nikkah ceremony at home in Birmingham with our families. Please send us your prayers. We are excited to walk together for the journey ahead.
?: @malinfezehai pic.twitter.com/SNRgm3ufWP

— Malala (@Malala) November 9, 2021

कोणत्या संघटनेनं केला होता हल्ला?

पाकिस्तानातील तहरीक-ए-तालिबान पाकिस्तान (टीटीपी) या संघटनेनं ऑक्टोबर 2012 मध्ये मलालावर हल्ला केला होता. या हल्ल्याची जबाबदारी या संघटनेनं नंतर स्वीकारली होती. त्या वेळी १५ वर्षांची मलाला बसमधून स्वात खोऱ्यातील तिच्या शाळेत जात असताना दहशतवाद्यांनी तिच्या डोक्यात गोळ्या घातल्या होत्या, परंतु त्यातून ती बचावली होती. मलालावर आधी पाकिस्तानात व नंतर ब्रिटनमध्ये उपचार करण्यात आल्यानंतर ती बचावली.