nana kate: चिंचवडमध्ये भाजपची ‘काटें’शी टक्कर! राष्ट्रवादीने केली घोषणा
Nana Kate । Nationalist Congress Party Announced Candidate Name for Chinchwad Bypoll 2023 : लक्ष्मण जगताप (Laxman Jagtap) यांच्या निधनामुळे रिक्त झालेल्या चिंचवड विधानसभा मतदारसंघात पोटनिवडणूक (Chinchwad Bypoll 2023) होत असून, भाजपने (BJP) दिवंगत जगताप यांच्या पत्नी अश्विनी जगताप (Ashwini Jagtap) यांना उमेदवारी दिलीये. तर आता राष्ट्रवादी काँग्रेसनंही (NCP) आपला उमेदवार जाहीर केला आहे. राष्ट्रवादी […]
ADVERTISEMENT
Nana Kate । Nationalist Congress Party Announced Candidate Name for Chinchwad Bypoll 2023 : लक्ष्मण जगताप (Laxman Jagtap) यांच्या निधनामुळे रिक्त झालेल्या चिंचवड विधानसभा मतदारसंघात पोटनिवडणूक (Chinchwad Bypoll 2023) होत असून, भाजपने (BJP) दिवंगत जगताप यांच्या पत्नी अश्विनी जगताप (Ashwini Jagtap) यांना उमेदवारी दिलीये. तर आता राष्ट्रवादी काँग्रेसनंही (NCP) आपला उमेदवार जाहीर केला आहे. राष्ट्रवादी काँग्रेसचे प्रदेशाध्यक्ष (Ncp Maharashtra State President) जयंत पाटील (Jayant Patil) यांनी उमेदवाराच्या नावाची घोषणा केली असून, नाना काटे (Nana Kate) यांना तिकीट देण्यात आलं आहे. अनेक बैठकांनंतर राष्ट्रवादी काँग्रेसनं उमेदवारी अर्ज भरण्याच्या शेवटच्या दिवशी उमेदवार घोषित केला. (Nana Kate will contest Chinchwad by election from Ncp)
कसबा पेठ आणि चिंचवड विधानसभा मतदारसंघांमध्ये पोटनिवडणूक होत असून, कसबा पेठ मतदारसंघातून काँग्रेसनं उमेदवार दिला आहे. तर चिंचवड मतदारसंघातून निवडणूक लढवण्यास राष्ट्रवादी काँग्रेसमध्ये अनेकजण इच्छुक होते. राहुल कलाटे यांनाही उमेदवारी दिली जाऊ शकते, असं बोललं जात होतं. मात्र, राष्ट्रवादी काँग्रेसनं आता नाना काटे यांच्या नावावर शिक्कामोर्तब केलं आहे.
चिंचवड पोटनिवडणूक : जयंत पाटलांनी केली काटेंच्या नावाची घोषणा
राष्ट्रवादीचे प्रदेशाध्यक्ष जयंत पाटलांनी ट्विट करत काटे यांच्या नावाची घोषणा केली. पाटील म्हणाले, “चिंचवड विधानसभा पोटनिवडणुकीत महाविकास आघाडी तर्फे राष्ट्रवादी काँग्रेस पक्षाचे नाना काटे हे उमेदवार असतील. महाविकास आघाडीतील सर्व घटक पक्षातील कार्यकर्ते व पदाधिकारी एकत्र काम करून या निवडणुकीत आम्ही नक्कीच विजयी होऊ, असा आम्हाला विश्वास आहे”, असं पाटील यांनी म्हटलं आहे.
हे वाचलं का?
ADVERTISEMENT
चिंचवड विधानसभा पोटनिवडणुकीत महाविकास आघाडी तर्फे राष्ट्रवादी काँग्रेस पक्षाचे श्री. नाना काटे हे उमेदवार असतील.
महाविकास आघाडीतील सर्व घटक पक्षातील कार्यकर्ते व पदाधिकारी एकत्र काम करून या निवडणुकीत आम्ही नक्कीच विजयी होऊ, असा आम्हाला विश्वास आहे.@OfficeofUT @NANA_PATOLE
— Jayant Patil- जयंत पाटील (@Jayant_R_Patil) February 7, 2023
राष्ट्रवादीकडून उमेदवारी मिळाल्यानंतर नाना काटे यांची पहिली प्रतिक्रिया
उमेदवारी जाहीर झाल्यानंतर बोलताना नाना काटे म्हणाले, “पिंपरी चिंचवड राष्ट्रवादी काँग्रेसच्या वतीने आम्ही जे 10-11 जण होतो, ज्यांची अशी मागणी होती की पक्षातीलच इच्छुकालाच उमेदवारी द्यावी. अजित पवार, शरद पवार आणि जयंत पाटील यांच्याकडे आम्ही मागणी केली होती. आज त्या मागणीला यश आलं आहे. सकाळी अजित पवार, जयंत पाटील आणि शरद पवारांनी ट्विट केलं. आणि महाविकास आघाडीच्या वतीने निवडणूक लढवण्याच्या शुभेच्छा दिल्या आहेत.”
ADVERTISEMENT
“लक्ष्मण जगताप यांच्याबद्दल आम्हालाही सहानुभूती होती. शरद पवारांनी घरी त्यांच्या कुटुंबियांची भेट घेतली होती. सात्वंन केलेलं आहे. सहानुभूती हा वेगळा भाग आहे आणि राजकारण वेगळं आहे. अजित पवारांच्या नेतृत्वाखाली जो पिंपरी चिंचवड शहराचा विकास झाला आहे. त्याच मुद्द्यावर आम्ही निवडणूक लढवणार आहोत”, असं नाना काटे म्हणाले.
ADVERTISEMENT
“गटबाजी होण्याची शक्यता नाही. आम्ही सर्वजण एक होतो. आम्ही एकमुखाने मागणी केली होती की, 10-11 जणांपैकी कुणालाही उमेदवारी दिली, तरी आम्ही सर्वजण ताकदीनीशी काम करू”, असं सांगत काटे यांनी पक्षातंर्गत गटबाजीची शक्यता फेटाळून लावली.
राहुल कलाटे यांची बंडखोरी भोवणार?
राहुल कलाटे अपक्ष उमेदवारी अर्ज दाखल करण्याबद्दल काटे यांना प्रश्न विचारण्यात आला. त्यावर काटे म्हणाले, “त्याची कल्पना नाही, पण आमचा हा प्रयत्न राहिल की, महाविकास आघाडीच्या वतीने एकच उमेदवार राहिल आणि विजय होईल”, अशी भूमिका त्यांनी मांडली.
ADVERTISEMENT