Pune Crime : गुन्हे करुन त्याचा उपयोग करायचा कथा लेखनासाठी; लेखकाला सायबर पोलिसांनी केली अटक
आतापर्यंत अनेक टीव्ही मालिका आणि चित्रपट तुम्ही गुन्हेगारी जगतातील सत्य घटनेवर आधारीत पाहिले असतील. परंतू पुण्यात एक धक्कादायक प्रकार समोर आला आहे. हायप्रोफाईल महिलांशी तुमचं नातं जोडून देतो असं सांगून बड्या लोकांना फसवल्याबद्दल अनुप मनोरे या लेखकाला पुणे पोलिसांच्या सायबर शाखेने अटक केली आहे. महत्वाची गोष्ट म्हणजे अनुप आपण गेलेल्या गुन्ह्यावर कथा लिहीत असल्याचं समोर […]
ADVERTISEMENT
आतापर्यंत अनेक टीव्ही मालिका आणि चित्रपट तुम्ही गुन्हेगारी जगतातील सत्य घटनेवर आधारीत पाहिले असतील. परंतू पुण्यात एक धक्कादायक प्रकार समोर आला आहे. हायप्रोफाईल महिलांशी तुमचं नातं जोडून देतो असं सांगून बड्या लोकांना फसवल्याबद्दल अनुप मनोरे या लेखकाला पुणे पोलिसांच्या सायबर शाखेने अटक केली आहे. महत्वाची गोष्ट म्हणजे अनुप आपण गेलेल्या गुन्ह्यावर कथा लिहीत असल्याचं समोर आलंय.
आरोपी अनेक भाषांमध्ये लिखाण करणारा एक लेखक –
आरोपी अनुप हा मराठी, हिंदी आणि इंग्रजीमध्ये लिखाण करणारा एक लेखक आहे. मराठी चित्रपट सृष्टीतील बड्या कलाकारांसोबत त्याची उठबस होती. हिंदी रंगभूमीवर त्यानं शेक्सपिअरच्या कॉमेडी ऑफ एरर्स या नाटकावर आधारित रंग रसिया बालम या नाटकात काम केलं आहे. मात्र, गेल्या दहा वर्षांपासून तो हाय प्रोफाइल महिलांशी शरीर संबंध प्रस्थापित करून देतो, असे सांगत हजारो लोकांना फसवत आला आहे. या कामासाठी अनुपने गणेश शेलार या खोट्या नावाचा वापर केला होता.
हे वाचलं का?
