Tejas Thackeray: तेजस ठाकरेंनी शोधला एक अत्यंत दुर्मिळ मासा, नव्या माशाचं नाव काय ठेवलं?

माशाची ही नवीन प्रजाती `hypogean freshwater eel’ आहे, ज्याच्या शोधाचे श्रेय तेजस ठाकरे, प्रवीणराज, अनिल महापात्रा आणि अनम पवन कुमार यांना देण्यात आले आहे. दरम्यान, या नव्या प्रजातीचं नाव ‘रक्थमिच्तिस मुंबा’असे ठेवण्यात आले आहे. मुंबईवरून या ईलचे नामकरण करण्यात आले आहे.

तेजस ठाकरे आणि त्यांच्या मित्रांना 2019 साली आपल्या सहकाऱ्यांसह मुंबईतील जोगेश्वरीमधील एका शाळेतील छोट्या विहिरीत माशाची ही दुर्मिळ प्रजाती आढळून आली होती. यावर तेजस ठाकरे आणि त्यांच्या मित्रांनी बरंच संशोधन केलं. ज्यानंतर ‘ॲक्वा इंटरनॅशनल जर्नल ऑफ इचिथोलॉजी’या संशोधनपत्रिकेत त्यांचा या माशाच्या नव्या प्रजातीविषयी छापून आलं.

ईल या माशाची प्रजाती ही अंध आहे. भूगर्भातील गोड्या पाण्यामध्ये पूर्णपणे अंध अशा स्वरुपाची ही माशाची प्रजाती आहे. ईल माशाची ही प्रजाती अत्यंत दुर्मिळ समजली जाते. कारण भूगर्भातील गोड्या पाण्यात हा मासा आढळून येतो.