Nashik Oxygen Tanker Leak : घटनेने मन झालं सुन्न- अमित शाह

Union Home Minister Amit Shah condoles loss of life in the Nashik oxygen tanker leak incident

“Distressed to hear the news of the accident. I express my deepest condolences to the families who have lost their loved ones in this incident,” he says

(file photo) pic.twitter.com/4TM7FycrU0

— ANI (@ANI) April 21, 2021

काय घडली घटना?

नाशिकच्या डॉ. झाकीर हुसेन रूग्णालयात ऑक्सिजन टँकरमध्ये गळती झाली. या घटनेत 22 जणांचा मृत्यू झाला असल्याची माहिती जिल्हाधिकारी सूरज मांढरे यांनी दिली आहे. राज्यभरात एकीकडे ऑक्सिजनचा प्रचंड तुटवडा जाणवतो आहे. अशात नाशिकच्या झाकीर हुसैन रूग्णालयात ऑक्सिजनची गळती झाली आहे. ऑक्सिजन टँकरमध्ये गळती झाल्याने तो रूग्णालय परिसरात सगळीकडे परिसरात या गळतीनंतर ऑक्सिजन पुरवठा तब्बल अर्धा ते पाऊण तास खंडीत झाला होता.

व्हेंटिलेटरवर असलेल्या रूग्णांना ऑक्सिजन प्रेशर कमी पडल्यामुळे त्यांचा मृत्यू झाला असल्याचं मांढरे यांनी सांगितलं. ऑक्सिजनची टाकी ही एका खासगी कंपनीची आहे. रिफिल करण्यासाठी आणि मेंटेनन्ससाठी टँकर आला होता. त्यात टँकर रिफिल करण्यात आला होता असंही आयुक्तांनी सांगितलं. मात्र विस्कळीतपणामुळे ही घटना घडली असंही मांढरे यांनी सांगितलं. याबाबत सगळी माहिती शासनाला कळवली असल्याचंही त्यांनी सांगितलं.

ही घटना घडल्यानंतर रूग्णालय परिसरात नातेवाईकांचा आक्रोश सुरू आहे. परिस्थितीचं गांभीर्य पाहून पोलीसही घटना स्थळी दाखल झाले. आता ऑक्सिजनची गळती रोखण्यात आली आहे. या दुर्घटनेची उच्चस्तरीय चौकशी करण्यात येणार आहे असंही स्पष्ट करण्यात आलं आहे.