दिल्लीतल्या बैठकीत शरद पवारांनी शिवसेनेबाबत काय म्हटलं? सुधींद्र कुलकर्णींनी दिलं उत्तर

काय म्हणाले सुधींद्र कुलकर्णी ?

शरद पवार यांनी या बैठकीत अत्यंत उत्तम मार्गदर्शन केलं. मंगळवारी झालेल्या बैठकीत काँग्रेस पक्ष नव्हता, शिवसेना नव्हती. त्याबाबत शरद पवार असं म्हणाले की राष्ट्र मंच ही देशाचे प्रश्न मांडणारी संघटना आहे. पुढच्या काळात जी बैठक घेतली जाईल त्या बैठकीला शिवसेना आणि काँग्रेस पक्षांच्या प्रतिनिधींनाही बोलवायचं आहे असंही त्यांनी सांगितलं. त्यांचं हे मार्गदर्शन अत्यंत महत्त्वाचं आहे. हा उल्लेख शरद पवार यांनी केला.

शरद पवार हे एक राष्ट्रीय राजकारणाची जाण असलेले राजकीय नेते आहेत. त्यांनी राष्ट्रीय मंचाची बैठक दिल्लीत घ्या आणि ती माझ्या घरी घ्या असं सांगितलं होतं. या बैठकीत शिवसेना नाही याचीही चर्चा रंगली होती आणि काँग्रेस का नाही असाही प्रश्न उपस्थित झाला होता. मात्र काँग्रेसच्या प्रतिनिधींना आम्ही कळवलं होतं. काही कारणांमुळे ते येऊ शकले नाहीत. शिवसेनेच्या प्रतिनिधींना बोलावलं नव्हतं मात्र यापुढे होणाऱ्या प्रत्येक बैठकीला शिवसेनेला बोलावलं जाईल. तशा सूचना शरद पवार यांनी केल्या आहेत असंही सुधींद्र कुलकर्णी यांनी स्पष्ट केलं.