CM फडणवीस स्वत: उतरले मैदानात अन् श्रीकांत शिंदेंच्या बालेकिल्ल्यात मारली मुसंडी, अंबरनाथ-बदलापुरात भाजपची सत्ता!
In the Badlapur and Ambernath municipal councils, Shiv Sena has the highest number of elected corporators. However, by getting their own mayors elected in both these municipal councils, the BJP has dealt a major blow to the Shinde faction.
ADVERTISEMENT
अंबरनाथ: महाराष्ट्रातील स्थानिक स्वराज्य संस्थांच्या निवडणुकांमध्ये ठाणे जिल्ह्यातील बदलापूर आणि अंबरनाथ या दोन प्रमुख नगर परिषदांमध्ये भाजपने आपले नगराध्यक्ष निवडून आणण्यात यश मिळवले आहे. या निकालामुळे गेल्या अनेक वर्षांपासून सत्ता गाजवत असलेल्या शिवसेनेच्या बालेकिल्ल्याला मोठा धक्का बसला आहे. विशेष म्हणजे, या दोन्ही नगर परिषदांमध्ये शिवसेनेचे नगरसेवक सर्वाधिक संख्येने निवडून आले असले तरी, नगराध्यक्षपद मात्र त्यांना मिळवता आले नाही. हे निकाल महायुती आणि महाविकास आघाडीमधील राजकीय संघर्ष दर्शवतात.
निवडणुकीची पार्श्वभूमी
महाराष्ट्र राज्य निवडणूक आयोगाने डिसेंबर 2025 मध्ये दोन टप्प्यांत 288 नगर परिषदा आणि नगर पंचायतींच्या निवडणुका घेतल्या. ठाणे जिल्ह्यातील अंबरनाथ (59 जागा) आणि कुळगाव-बदलापूर (49 जागा) या नगर परिषदा दुसऱ्या टप्प्यातील प्रमुख केंद्र होत्या. या निवडणुकांमध्ये भाजप, शिवसेना-शिंदे गट यांच्यातच मुख्य लढत होती. त्यामुळे अनेक मतदारसंघात या दोन पक्षात थेट लढत पाहायला मिळाली.
ठाणे जिल्हा हा शिवसेनेचा पारंपरिक बालेकिल्ला मानला जातो. गेल्या दशकभरात या भागात शिवसेनेने (मूळ आणि आता शिंदे गट) बहुमत मिळवले होते. 2015 च्या निवडणुकांमध्ये अंबरनाथमध्ये शिवसेनेला 25 जागा मिळाल्या होत्या, तर भाजपला केवळ 10. बदलापूरमध्येही शिवसेनेला 24 जागा मिळाल्या होत्या. मात्र, या वेळी राजकीय समीकरणे बदलली आणि भाजपने धोरणात्मक खेळी करत नगराध्यक्षपद पटकावत नगर परिषदेवर वर्चस्व मिळवलं आहे.
अंबरनाथ नगर परिषदेचे निकाल
अंबरनाथ नगर परिषदेत एकूण 59 जागांसाठी लढत झाली. येथे शिवसेनेचे (शिंदे गट) नगरसेवक सर्वाधिक संख्येने निवडून आले. शिवसेनेचे एकूण 27 उमेदवार विजयी झाले. तर भाजपचे केवळ 14 नगरसेवकच विजयी झाले. तर काँग्रेसने 14, राष्ट्रवादी आणि इतर अपक्षांनी उर्वरित जागा पटकावल्या. मात्र, नगराध्यक्षपदाच्या थेट निवडणुकीत भाजपच्या उमेदवार तेजश्री करंजुले-पाटील यांनी शिवसेनेच्या (शिंदे गट) मनिषा वाळेकर यांचा पराभव केला. अंबरनाथ आणि बदलापूरमध्ये युती न झाल्याने भाजप आणि शिवसेना (शिंदे गट) यांनी स्वतंत्र उमेदवार उभे केले होते.
हे वाचलं का?
