मोहिते पाटील पॅटर्न, राम सातपुतेंचा सुपडा साफ, सोलापुरातील 5 नगरपालिकांमध्ये भाजपचे कमळ कोमेजले
Solapur Politics : अकलूज नगरपरिषदेत हा विजय अधिक ठळकपणे दिसून आला. एकूण 13 प्रभाग आणि 26 उमेदवारांच्या निवडणुकीत राष्ट्रवादी काँग्रेस (शरदचंद्र पवार गट) आणि मोहिते पाटील गटाने अक्षरशः भाजपचा सुपडा साफ केला. 26 पैकी तब्बल 22 उमेदवार राष्ट्रवादी शरद पवार गटाचे विजयी झाले, तर भाजपला केवळ 4 जागांवर समाधान मानावे लागले.
ADVERTISEMENT
बातम्या हायलाइट
मोहिते पाटील पॅटर्न, राम सातपुतेंचा सुपडा साफ
सोलापुरातील 5 नगरपालिकांमध्ये भाजपचे कमळ कोमेजले
Solapur Politics : सोलापूर जिल्ह्यातील नगरपालिकांच्या निवडणुकांचे निकाल जाहीर होताच जिल्ह्याच्या राजकारणात मोठी उलथापालथ झाली आहे. अकलूज नगरपालिकेच्या निवडणुकीत माजी आमदार राम सातपुते यांना या निवडणुकीत मोठा धक्का बसला असून, माढा लोकसभा मतदारसंघातील तब्बल पाच नगरपालिकांमध्ये भाजपचा पराभव झाला आहे. दुसरीकडे, मोहिते पाटील गट आणि राष्ट्रवादी काँग्रेस (शरदचंद्र पवार गट) यांनी ‘मोहिते पाटील पॅटर्न’ दाखवत जिल्ह्यात पुन्हा एकदा आपले वर्चस्व सिद्ध केले आहे.
अकलूज नगरपरिषदेत हा विजय अधिक ठळकपणे दिसून आला. एकूण 13 प्रभाग आणि 26 उमेदवारांच्या निवडणुकीत राष्ट्रवादी काँग्रेस (शरदचंद्र पवार गट) आणि मोहिते पाटील गटाने अक्षरशः भाजपचा सुपडा साफ केला. 26 पैकी तब्बल 22 उमेदवार राष्ट्रवादी शरद पवार गटाचे विजयी झाले, तर भाजपला केवळ 4 जागांवर समाधान मानावे लागले. नगराध्यक्षपदासाठी राष्ट्रवादी शरद पवार गटाच्या रेश्मा आडगळे यांनी भाजपच्या पूजा कोथमीरे यांचा 2,739 मतांनी पराभव करत दणदणीत विजय मिळवला. या निकालामुळे ‘मोहिते पाटलांच्या पट्ट्यात कमळ कोमेजले’ अशी चर्चा राजकीय वर्तुळात रंगली आहे.
या पराभवाचा सर्वात मोठा फटका माजी आमदार राम सातपुते यांना बसल्याचे मानले जात आहे. अकलूज ही राम सातपुते यांच्यासाठी प्रतिष्ठेची लढत होती. मात्र, मतदारांनी भाजपचा अति आत्मविश्वास नाकारत मोहिते पाटील गटाच्या नेतृत्वावर विश्वास टाकला. त्यामुळे राम सातपुते यांचा राजकीय प्रभाव या निकालामुळे कमकुवत झाल्याचे चित्र आहे.
हे वाचलं का?
