मुंबईकरांचं 'डाळ खिचडी'वर प्रेम; पुणेकरांनी 'पनीर टिक्का मसाल्या'वर मारला ताव

Swiggy Report : प्रत्येक मिनिटाला देण्यात आली 115 बिर्याणी ऑर्डर... पिझ्झा-बर्गरला मर्यादित प्रतिसाद; गोड पदार्थांत गुलाबजाम पहिल्या क्रमांकावर...
मुंबईकरांचं 'डाळ खिचडी'वर प्रेम; पुणेकरांनी 'पनीर टिक्का मसाल्या'वर मारला ताव

कोरोनाचा शिरकाव झाल्यानंतर लॉकडाऊन आणि निर्बंधांमुळे भारतीयांचा बाहेरचा वावर कमी झाला. त्यामुळे जिभेचे चोचले पुरवण्यासाठी मग ऑनलाईन जेवण मागवण्याकडे कल वाढला. विविध कंपन्यांनी भारतीयांना घरपोच जेवण पुरवलं. हा बाजार सध्या तेजीत असून, भारतीयांनी विशेषतः महत्त्वाच्या महानगरात राहणाऱ्या लोकांनी नेमकं मागवलं काय? या प्रश्नाचं उत्तर मिळालंय... ऑनलाईन फूड डिलीव्हरी करणाऱ्या 'स्विगी'ने भारतामधील प्रमुख शहरांमध्ये लोकांनी कोणत्या खाद्यपदार्थांना पसंती दर्शवली याचा एक अहवाल प्रसिद्ध केला आहे.

ज्यात भारतीयांनी आश्चर्यकारकरित्या पिझ्झा-बर्गर किंवा इतर पाश्चिमात्य डीशऐवजी अस्सल भारतीय पदार्थांना पसंती दर्शवली आहे. स्विगी या फूड डिलीव्हरी कंपनीच्या अहवालानुसार, देशात सर्वाधिक ऑर्डर केलेल्या खाद्यपदार्थात बिर्याणीनं नंबर एक कायम ठेवला आहे. यंदाच्या वर्षी ‘स्विगी’कडे प्रति मिनिटाला ११५ बिर्याणी ऑर्डर प्राप्त झाल्या आहेत. दुसरीकडे मिठाईमध्ये गुलाबजामला भारतीयांनी प्राधान्य दिले. त्यानंतर रसमलाईची ऑर्डर नोंदविली गेली. स्विगीवर पावभाजीच्या २१ लाख ऑर्डर नोंदविल्या गेल्या आहेत.

ग्राहकांच्या वर्षभरातील मागणी आणि डिलीव्हरीचं विश्लेषण करुन स्विगीने हा अहवाल तयार केला आहे. ज्यात सर्वाधिक पसंतीच्या स्नॅक्सच्या यादीत समोसा पहिल्या क्रमांकावर आला आहे. ‘स्विगी’ने यावर्षीच्या डिलिव्हरी ऑर्डरचा विश्लेषणात्मक अहवाल नुकताच प्रकाशित केला आहे. स्विगी फूड डिलिव्हरी, इन्स्टामार्टवर किराणा, स्विगी जेनी आणि हेल्थहब वर पिक-अप आणि ड्रॉप सेवा यासारख्या सर्व सेवांसाठी प्राप्त ऑर्डरनुसार अहवाल बनविण्यात आला आहे.

जाणून घेऊयात महत्वाच्या शहरात लोकांनी कोणत्या खाद्यपदार्थांना पसंती दर्शवली आहे?

‘स्विगी’ अहवालाची प्रमुख १२ वैशिष्ट्ये पुढीलप्रमाणे -

  • वर्ष २०२१ मध्ये सर्वाधिक ऑर्डर केलेल्या खाद्यपदार्थात बिर्याणीनं नंबर एकवर कायम आहे.

  • ‘स्विगी’ला भारतभरातून वर्षभरात प्रति मिनिट ११५ बिर्याणी ऑर्डर प्राप्त झाल्या.

  • मिठाई किंवा गोड पदार्थाच्या ऑर्डर डिलिव्हरीत गुलाबजामने बाजी मारली आहे.

  • भारतीयांनी गुलाबजामनंतर रसमलाईची सर्वाधिक वेळा ऑर्डर नोंदविली.

  • स्विगीवर पावभाजीच्या वर्षभरात २१ लाख ऑर्डर नोंदवल्या गेल्या.

  • स्विगीच्या अहवालात ग्राहकांच्या ऑर्डरच्या वेळेचा देखील विचार करण्यात आला आहे.

मुंबईकरांचं 'डाळ खिचडी'वर प्रेम; पुणेकरांनी 'पनीर टिक्का मसाल्या'वर मारला ताव
ऐकावं ते नवलच! नागपूरमधली काळी इडली ठरतेय चर्चेचा विषय, खवय्यांचीही मिळतेय पसंती
  • रात्री दहा वाजेनंतर सर्वाधिक ऑर्डर गार्लिक ब्रेडची नोंदविण्यात आली आहे. त्यासोबतच पॉपकॉर्न, फ्रेंच फ्राईज यांनाही ग्राहकांनी पसंती दिली आहे.

  • ग्राहकांनी ‘स्विगी’वर संध्याकाळी सात ते नऊ वाजेदरम्यान सर्वाधिक ऑर्डर दिल्या. स्विगीने सात ते नऊ ही कंपनीसाठी सर्वाधिक व्यस्त वेळ असल्याचे म्हटले आहे.

  • स्विगीच्या अहवालानुसार, बंगळुरु आरोग्याबाबत सजग असलेले पहिल्या क्रमांकाचे शहर ठरले आहे. बंगळुरुनंतर हैदराबाद आणि मुंबईची वर्णी लागली आहे.

  • सर्वाधिक डोसा ऑर्डर करण्याच्या यादीत बंगळुरु क्रमांक एकचं शहर ठरलं आहे.

  • स्विगीच्या अहवालात चैन्नई सर्वात उदार शहर ठरलं आहे. स्विगी डिलिव्हरी पार्टनरला एका ऑर्डरसाठी ६ हजार रुपयांची टिप दिली गेली.

  • आरोग्यदायी खाद्यपदार्थ (हेल्दी फूड) सर्च करण्याचे प्रमाण यंदाच्या वर्षी दुप्पटीने वाढले आहे. अशा प्रकारच्या रेस्टॉरंटच्या ऑर्डरमध्ये २००% वाढ दिसून आली आहे.

Related Stories

No stories found.
Mumbai Tak
www.mumbaitak.in