भाजपचा कल्याणबरोबर ठाणे लोकसभेवरही दावा! CM एकनाथ शिंदेंवर दबाव?

मुंबई तक

भाजपकडून कल्याण लोकसभा आणि ठाणे लोकसभा मतदारसंघावर दावा करण्यात आला आहे. श्रीकांत शिंदे यांच्या लोकसभा मतदारसंघावरील भाजपचा दावा एकनाथ शिंदेंवर दबाब टाकण्याचा प्रयत्न असल्याचे म्हटले जात आहे.

ADVERTISEMENT

Political conflict between BJP and Shiv Sena in Thane and Kalyan increased. what will Eknath Shinde do?
Political conflict between BJP and Shiv Sena in Thane and Kalyan increased. what will Eknath Shinde do?
social share
google news

Maharashtra Politics Latest News : लोकसभा जागावाटपाच्या चर्चेला तोंड फुटल्यानंतर भाजप-शिवसेनेतील नेते पहिल्यांदाच एकमेकांना उत्तर देताना दिसले. राज्यातील जागावाटपाचा बाजूला पडून ठाण्यातीलच वाद शिगेला पोहोचला आहे. मुख्यमंत्री एकनाथ शिंदे यांचा दबदबा असलेल्या ठाणे जिल्ह्यातच भाजप-शिवसेना युतीतील सुप्त संघर्ष आता चव्हाट्यावर आला आहे. स्थानिक पातळीवरील हा संघर्ष इतका वाढला असून, कल्याणचे खासदार आणि मुख्यमंत्री शिंदे यांचे सुपुत्र श्रीकांत शिंदे यांनी थेट राजीनामा देण्याचीच तयारी दर्शवली. दुसरीकडे भाजपकडून कल्याण बरोबर ठाणे लोकसभा मतदारसंघावरही दावा करण्यात आला असून, हा एकनाथ शिंदेंवर दबाब टाकण्याचा प्रयत्न सुरू असल्याची चर्चा राजकीय वर्तुळात केली जात आहे. (Eknath Shinde news )

गेल्या काही महिन्यांपासून ठाणे जिल्ह्यात भाजप आणि शिवसेना नेत्यांमध्ये सुप्त संघर्ष सुरू आहे. मानपाडा पोलीस ठाण्याचे वरिष्ठ पोलीस निरीक्षक शेखर बागडे यांच्या मुद्द्यावरून हा वाद पहिल्यांदाच बाहेर आला. या प्रकरणावरून भाजपने शिवसेनेला सहकार्य न करण्याचा ठराव केला आणि राजकीय संघर्ष आणखी वाढला.

श्रीकांत शिंदे म्हणाले, खासदारकीचा राजीनामा देतो

भाजपची भूमिका ही श्रीकांत शिंदे यांना अडचणीत आणणारी असल्याची चर्चा सुरू झाली. त्यामुळे श्रीकांत शिंदेंनीही भाजपच्या स्थानिक नेत्यांच्या भूमिकेवर टीका केली. श्रीकांत शिंदे यांनी “सगळ्यांनी युतीसाठी काम केलं पाहिजे. 2024 मध्ये नरेंद्र मोदी पुन्हा पंतप्रधान होतील यासाठी काम केले पाहिजे. यामध्ये स्वार्थ ठेवायला नको”, अशी समन्वयाची भूमिका मांडली. त्याचबरोबर “मलाही कुठला स्वार्थ नाही. मला जर उद्या सांगितलं की, कल्याण लोकसभेचा राजीनामा द्या, तर मी राजीनामा द्यायला तयार आहे. मी पक्ष आणि युतीचं काम करायला तयार आहे. पक्षनेतृत्वाने असो वा भाजपने सांगितलं की, कल्याणमध्ये चांगला उमेदवार मिळतोय, तर त्याला निवडून आणण्यासाठी तुम्ही जसं काम कराल, तसंच मी काम करेन”, असं म्हणतांना त्यांना नाराजी लपवता आली नाही.

श्रीकांत शिंदे यांच्या भूमिकेनं भाजप-शिवसेना युतीतील संघर्ष वाढला

खासदार श्रीकांत शिंदे आणि भाजपचे मंत्री रवींद्र चव्हाण आणि ठाण्यातील भाजपचे आमदार, नेते, पदाधिकारी शिंदेंच्या शिवसेनेविरोधात थेट भूमिका घेताना दिसत आहे. आणि त्यामुळेच शिंदे पिता-पुत्रांची कोंडी करण्याचा प्रयत्न भाजपकडून सुरू असल्याचे सांगितलं जात आहे.

हे वाचलं का?

    follow whatsapp