ABVP चे सदस्य ते 'राजकीय चाणक्य', असा आहे देवेंद्र फडणवीसांचा राजकीय प्रवास

Devendra Fadanvis ABVP साठी ठिकठिकाणी पोस्टर रंगवले आणि लावले. 1990 मध्ये ते राजकारणात आले.
Devendra Fadnavis
Devendra FadnavisMumbai Tak

योगेश पांडे (नागपूर)

नागपूर: देवेंद्र फडणवीस हे महाराष्ट्राच्या राजकारणातील एक मोठे नाव. महाराष्ट्रातील नागपुरातून आलेल्या देवेंद्र फडणवीस यांचा तीन दशकांहून अधिक काळ राजकीय प्रवास कसा होता यावर एक नजर टाकूया...राजकीय वारसा लाभलेले वडील गंगाधर फडणवीस विधान परिषदेचे सदस्य होते, त्यांनी जनसंघ, ​​जनता पक्ष आणि नंतर भारतीय जनता पक्षासाठी काम केले. देवेंद्र फडणवीस (Devendra Fadnavis) यांनी 1986 मध्ये ABVP चे सक्रीय सदस्य असतानाच राजकारणाला सुरुवात केली आणि 1986-89 च्या काळात त्यांनी ABVP साठी जोरदार काम केले.

ABVP साठी ठिकठिकाणी पोस्टर रंगवले आणि लावले. 1990 मध्ये ते राजकारणात आले. सक्रिय राजकारण, 1992 मध्ये त्यांनी नागपूर महानगरपालिकेची निवडणूक जिंकली. वयाच्या 21 व्या वर्षी महानगरपालिकेचे सर्वात तरुण नगरसेवक म्हणून निवडणून आले. 1992 आणि 1997 मध्ये सलग निवडणुका जिंकल्यानंतर 1997 मध्ये ते 27 वर्षांचे होते. नागपूरचे महापौर झाले आणि देशातील दुसरे सर्वात तरुण महापौर म्हणून संबोधले गेले, त्यानंतर देवेंद्र फडणवीस यांनी आमदारकीची निवडणूक लढवली आणि जिंकले... यासह ते 1999 मध्ये महाराष्ट्राच्या घराघरात पोहोचले आणि आजही घराघरात आहेत.

दरम्यानच्या काळात ते अनेक समित्यांचे सदस्यही झाले... आणि 2002 -2003 मध्ये कॉमन वेल्थ पार्लमेंट असोसिएशनने त्यांना "सर्वोत्कृष्ट संसदीय पुरस्कार" देऊन सन्मानित केले... याच काळात भाजपने त्यांना महाराष्ट्र भाजपचे सचिव आणि नंतर महामंत्री केले... महाराष्ट्राच्या राजकारणातील दोन दिग्गज गोपीनाथ मुंडे आणि नितीन गडकरी यांच्यात देवेंद्र फडणवीस यांचे नाव समोर आले. अनेकवेळा ते स्वतः राजकारणाचे बळी ठरले... पण लोकांमध्ये लोकप्रिय झाल्यानंतर ते पुढे गेले. 2014 मध्ये मुख्यमंत्री होण्यापूर्वी ते महाराष्ट्र भाजपचे अध्यक्ष होते.

1987 मध्ये, देवेंद्रंच्या वडिलांचे कर्करोगाने निधन झाले आणि त्यावेळी देवेंद्र फक्त 17 वर्षांचे होते, देवेंद्रंची आई अमरावतीच्या आहेत, आणि त्या विदर्भ हाउसिंग क्रेडिट सोसायटीच्या संचालक होत्या. देवेंद्र फडणवीस यांचे वडील आधीपासून RSS चे स्वयंसेवक होते, आणि देवेंद्रंच्या घरासमोर RSS ची शाखा होती, त्यात ते लहानपणापासून जात असत.

देवेंद्र फडणवीसांचा (Devendra Fadnavis) शालेय प्रवास

देवेंद्र यांनी त्यांचे शालेय शिक्षण 1 ते 4 इंदिरा गांधी शाळेत, 5 ते 10 सरस्वती विद्यालयात केले आणि 1986-87 दरम्यान त्यांनी धरमपेठ कनिष्ठ महाविद्यालयात शिक्षण घेतले, त्यानंतर नागपूरच्या विधी महाविद्यालयात 5 वर्षांचा कायद्याचा अभ्यासक्रम केला आणि हिंदूमध्ये कांस्य पदक जिंकले. लॉ नंतर देवेंद्र पदव्युत्तर पदवी घेण्यासाठी बर्लिनला गेले आणि त्यांनी बिझनेस मॅनेजमेंट आणि डिप्लोमा इन प्रोजेक्ट मॅनेजमेंट केला.

देवेंद्र फडणवीस यांचे 2006 मध्ये लग्न झाले आणि त्यांच्या पत्नींचे नाव अमृता रानडे होते, लग्नानंतर त्या अमृता फडणवीस झाल्या. अमृतांचे कुटुंब राजकारणापासून दूर होते आणि त्यांचे वडील डॉक्टर होते, अमृता या एमबीएची विद्यार्थिनी होत्या. देवेंद्र फडणवीस यांचे बालपणीचे मित्र शशांक कुलकर्णी यांनी आज तकसोबत देवेंद्र फडणवीस यांच्या बालपणीच्या आठवणी शेअर केल्या आहेत.

देवेंद्र फडणवीस आणि शशांक कुलकर्णी हे बालपणीचे मित्र आहेत, ही मैत्री अजूनही कायम आहे. शशांक सांगतात की ते आणि देवेंद्र एकाच शाळेत शिकायचे. एकत्र शाळेत जायचो. देवेंद्र यांना बर्फाचे गोळे खायला आवडतात. फडणवीसांना तिखट आणि मसालेदार पदार्थ खायला आवडतात. देवेंद्र फडणवीस हे विनोद खन्ना यांचे मोठे चाहते आहेत. त्या काळात विनोद खन्ना यांना कोणत्याही चित्रपटात पाहायला फडणवीस विसरले नाहीत. नागपूरचे महापौर असताना देवेंद्र फडणवीस यांनी लठ्ठपणा कमी केला होता. त्यानंतर काही काळ त्यांनी मॉडेलिंगही केली आहे.

देवेंद्र फडणवीस यांचे वडील गंगाधर राव फडणवीस हे नागपूर पदविधर मातदार संघाचे आमदार होते. महाराष्ट्र विधान परिषदेतून निवडून आल्यानंतर ते आमदार झाले. त्यांच्या निधनानंतर नितीन गडकरी त्यांच्या जागेवरून निवडणूक लढवत आहेत. फडणवीस यांना राजकारणाचा वारसा लाभला असेल, पण त्यांच्या कर्तृत्वाने आणि ते राजकारणात पुढे गेले. गेल्या काही वर्षांत फडणवीस महाराष्ट्रात भाजपसाठी नंबर वनचे नेते ठरले.

Related Stories

No stories found.
Mumbai Tak
www.mumbaitak.in